ಸೇವೆನೇ ಜೀವನ ಅಂದ್ಕೊಂಡ ಮೆನಹೇನ!

ಮೆನಹೇನ ಒಂದನೇ ಶತಮಾನದವನು. ಅಂತಿಯೋಕ್ಯ ಸಭೆನ ನಡೆಸ್ತಿದ್ದವ್ರಲ್ಲಿ ಇವನೂ ಒಬ್ಬ. ಅಷ್ಟೇ ಅಲ್ಲ, ‘ಜಿಲ್ಲಾಧಿಕಾರಿ ಆಗಿದ್ದ ಹೆರೋದನ ಜೊತೆ ಶಿಕ್ಷಣ ಪಡೆದಿದ್ದ.’ (ಅ. ಕಾ. 13:1) ಆದ್ರಿಂದ ಇವನು ತುಂಬ ಓದಿದ್ದ ಮತ್ತು ಶ್ರೀಮಂತ ಕುಟುಂಬಕ್ಕೆ ಸೇರಿದ್ದ ಅಂತ ಗೊತ್ತಾಗುತ್ತೆ.

ಕೈಯಲ್ಲಿ ಬೆಣ್ಣೆ ಇದ್ದಂಥ ಪರಿಸ್ಥಿತಿ ಇವನದು. ಆದ್ರೂ ಇವನು ಕ್ರೈಸ್ತನಾದ ಮತ್ತು ಸಭೆಗೆ ಸಹಾಯ ಮಾಡ್ತಾ ಬೆನ್ನೆಲುಬಾಗಿ ನಿಂತ. ಅವನಿಗಿದ್ದ ವಿದ್ಯಾಭ್ಯಾಸ ಮತ್ತು ಅಧಿಕಾರಿಗಳ ಜೊತೆಗಿನ ಸ್ನೇಹನ ಬಳಸ್ಕೊಂಡು ಅವನು ಸಮಾಜದಲ್ಲಿ ಹೆಸರು ಮಾಡೋಕೆ ಹೋಗಲಿಲ್ಲ. ಬದ್ಲಿಗೆ ಸಹೋದರರ ಸಹೋದರಿಯರ ಸೇವೆ ಮಾಡ್ತಾ ಯೆಹೋವನ ಹತ್ರ ಒಳ್ಳೆ ಹೆಸರು ಸಂಪಾದಿಸಿದ.

ಈ ಲೋಕದಲ್ಲಿ ಹೆಸರು ಮಾಡೋದಕ್ಕಿಂತ ಯೆಹೋವನ ಸೇವೆ ಮಾಡ್ತಾ ಆತನ ಹತ್ರ ಒಳ್ಳೆ ಹೆಸರು ಮಾಡೋದೇ ತುಂಬ ಮುಖ್ಯ ಅಂತ ಮೆನಹೇನ ತೋರಿಸಿದ. ನಾವೂ ಅವನ ತರ ಬೇರೆ ಎಲ್ಲದಕ್ಕಿಂತ ಹೆಚ್ಚಾಗಿ ಯೆಹೋವನ ಕೆಲ್ಸಕ್ಕೆ ಮೊದಲ ಸ್ಥಾನ ಕೊಡಬೇಕು. (ಮತ್ತಾ. 6:33) ವಿದ್ಯಾಭ್ಯಾಸ ಪಡ್ಕೊಳ್ಳೋದು ಮುಖ್ಯಾನೇ, ಆದ್ರೆ ಅದಕ್ಕಿಂತ ‘ತುಂಬ ಮುಖ್ಯವಾದ ವಿಷ್ಯ ಯಾವುದು ಅಂತ ನಾವು ಚೆನ್ನಾಗಿ ತಿಳ್ಕೊಬೇಕು.’ ಹಾಗಾಗಿ ಯಾವ ವಿಷ್ಯಾನೂ ಯೆಹೋವನ ಸೇವೆಗೆ ಅಡ್ಡಿ ಬರೋಕೆ ನಾವು ಬಿಟ್ಟುಕೊಡಬಾರದು.—ಫಿಲಿ. 1:9, 10.