Naggatissap qanilliartornerani oqaluussineq annertusiuk
1 Inerititanik katersuiffik nuannaarfiusarpoq. Aammali piffissaavoq suleruloorfik. Piffissaq inerititanit katersuiffissaq killeqarpoq. Sulisut eqiasussinnaanngillat.
2 ’Pissutsit aaqqissuussaanerata naggatissaa’ Jesusip katersuiffimmut assersuussimavaa. (Mat. 13:39) Maannakkut pissutsit aaqqissuussaanerata naangajalernerani inuuvugut ’inuit najugaanni tamarsuarmi’ nalunaajaanissatsinnut piffissakitsuararsuulluta. (Mat. 24:14) Naggatissap qanilliartorasuarnerani oqaluussinermi peqataanerput annertusisariaqarparput. Sooq? Jesus nassuiaavoq: ’Katersugassat amerlaqaat, sulisussalli ikeqaat.’ — Mat. 9:37, 38; Rûm. 12:11.
3 Piffissaq atorluartaruk: Jesusip oqaluussinermik suliniutini aallartikkamiuk, suliassami naammassinissaanut ukiut pingasut affarlu kisiisa periarfissarisimavai. Oqaluussineratigut erserpoq nalunngikkaa nukinginnartuusoq, oqarporlu: ’Guutip naalagaaffianik iivangkiiliu oqaluutigisassaraara, tamanna pillugu aallartitaagama.’ — Lúk. 4:43.
4 Jesusip ajoqersukkani aamma paasitippai suliaq nukinginnartuusoq. (Mák. 13:32-37) Taamaattuminguna ’soraanngitsut ullut tamaasa naalaffimmi illunilu ajoqersuillutik iivangkiiliu Jesus Kristusimik oqaluutigalugu.’ (ap. sul. 5:42) Inuunerminni pingaannginnerusut salliutissimanngilaat. Naak amerlavallaanngikkaluarlutik tusagassaq nuannersoq ’pinngortitani tamani qilaap ataaniittuni oqaluussissutigisimavaat.’ — Kul. 1:23.
5 ’Suut tamarmik naggatissaat qallilermat’ suli annermik pissutissaqarpugut suliap nukinginnarneranik misiginissap ineriartortinnissaanut. (1 Pît. 4:7) Jehovap pissutsit aaqqissuussanerata naggaserneqarnissaanut piffissaq aalajangersimasoq aalajangereersimavaa. (Mat. 24:36) Oqaluussissutiginninnermik suliaq piffissami sinneruttumi naggaserneqassaaq. Taamaattuminguna kikkut tamaasa tusagassamik nuannersumik tusarlerniarlugit ilungersuutivut annertusigivut.
6 Naggatissaq qanilliartorasuartillugu oqaluussinerput annertusigutsigu Jesusitut nuannaarluta Jehovamut oqarsinnaassaagut: ’Suliaq uatsinnut suliareqqusat naammassivarput.’ — Juá. 17:4.