ugpernerup isumavdluarnartup atuagautitâ
BÎBILE nalorninerup atuagautitaríngilâ, kisiáne ugpernerup atuagautitarâ. pilersitsíngilaĸ aperĸutinik imáitunik: Gûteĸarpa? bîbile Gûtip oĸauserâ? kisiánile autdlarĸausiutdlugo imatut nalunaerpoĸ: „pilerĸârneráne ĸilagdlo nunalo Gûtip píngortípai.“ bîbilimilo ersserĸigdluartumik agdlagsimavoĸ: „inûvme piumassâgut pruvfîtip oĸauserissâ píngisáinarpoĸ, anersâvdle ivdlernartup pisingmatik inuit Gûtimit oĸalugput.“ 1 Môrsase 1:1; 2 Pîtruse 1:21.
bîbilime oĸalugtuat ilarpagssue sôruname naitsũput. taimáitumik ímaĸa pâserusugsínaussavut tamaisa tamatigũngitsoĸ oĸalugtuarineĸartarput. silarssuarmile píssutsinik ajornartorsiorfioĸissunik pâsingnigsínauniásaguvta, Gûtimik iluaritísínauniásaguvta inûnermigdlo nâgssáungitsumik angussisínauniásaguvta ilisimassariaĸagkavut Gûtip bîbilime uvavtínut nanisínautípai. suname pingârnerusínauva?
bîbilip ĸúpernerine sujugdlerne pâserêrparput íngilip akerdliuniartup ĸangarssuardle Gûtip ĸilangmut nunamutdlo tamarmut kisime nâlagaussugssaviunera aperĸusersimagâ. kisiáne ãma sarĸúmersíneĸarpoĸ „kinguâgssaĸ“ tákúkumârtoĸ pikigtitsineĸ tamána sûjungnaersíkiartordlugo, Jehova Gûtilo kisime ĸilangme nunamilo tamanut nâlagaussutut aulajangiúkumârdlugo. (1 Môrsase 3:1-15; Jûpe 1:6-12) bîbile ilisimatitsivoĸ „kinguâgssaĸ“ táuna kinguârĩkut sordlíkut tákúkumârtoĸ, tássa angutitigut ugpertûssutigut ukunûnatigut: Abraham, Isak, Jakob ãmalo David. — 1 Môrsase 26:4, 5; 2 Sâmuale 7:12, 13; Matîuse 1:1-16; Lúkarse 3:23-38.
atuagkap tupingnartup táussuma oĸalugtuarai „kinguâgssa“mut ilaussup pingârnerup, Jesus Kristusip, inúngornera, inûnera, toĸunera makíneralo. oĸalugtuarâ Jesusip atâtame ĸilangmiussup arĸa, Jehova, tusardliúsimagâ, ãma utertitsíssutigssatut toĸussoĸ inuiait nâlagtut utertíneĸarnigssãnut. — Galâsiamiut 3:16; Juánase 17:6-8, 26; Matîuse 20:28.
bîbilime ãmátaoĸ inûneĸ nâgssáungitsoĸ erĸartorneĸartarpoĸ, toĸussut makititaunigssât oĸalugtuarineĸarpoĸ ’ĸilaitdlo nutât nunalo nutâĸ iluarssuseĸarfiussut’ alutornangârtut tusardliúneĸarput. (2 Pîtruse 3:13; Juánase 3:36; 5:28, 29) ãmátaoĸ erssersípâ pivdluarĸússutigssat nuáningârtut ernĩnaĸ piumârtut, uvdlumíkutdlo inûssut amerdlasût tamáko angumeriumârait silarssûp matuma ’nagdlisitsinere’ anigorêruníkik. — Matîuse 24:3-14, 32-34.
inerititat pitsaunerit!
Jesus oĸarpoĸ „orpik ajúngitsoĸ nungutdlugit ajúngitsunik inerititaĸartar“toĸ. (Matîuse 7:15-20) âp, inuit agssuarnaitsut inerititamíkut ilisarineĸarsínáuput. bîbilip ajoĸersuinerata inuit ajoĸersoruminartut ajúngitsunik inerititaĸarnigssãnik ikiorpai. atuagaĸ táuna ilisimasitsissaraoĸ, ugpernermik nakússagtitsissaraoĸ ãmalo ilisimássúmik tunississaraoĸ. (Juánase 17:3; ússatit 1:1-4) pitsaunerussunik maligagssípâtigut inûnivtínut súniutaussunik aulajangigagssaĸarniarnivtigut túngavigisínaunigssavtínik. — Rûmamiut 12:2; Kulorsamiut 3:9, 10.
ãmátaoĸ bîbile ũmativtínut súniútarpoĸ. inuit kivdligpai Gûtip avĸutigerĸussai najorĸutaralugit inûniarnigssãnut Gûtimigdlo kivfartũssiniarnigssãnut. bîbilime ajoĸersûtigineĸartut nãmagisimâringnigtitsilersarput, inûneĸ pivdluarnarnerulersítardlugo, perĸingnerulersitsissardlutik, ilerĸoringnerulersitsissardlutik ãmalo uviussut, nuliaussut, angajorĸâjussut mêrĸatdlo pitsángorsardlugit. bîbilip ilerĸorerĸussainik ilíkarsimassut maligdlugitdlo inûlersimassut tamarmik nunarssuarme tamarme ĸatángutigîgfíngorsimáput asangnigtut, Jesusip oĸausia erĸûtitdlugo: „matumánga tamarmik ilisarísavâse ajoĸersugarigivse: asaĸatigîgkuvse.“ — Juánase 13:35.
bîbilip naleĸássusia ersserĸigsumik takuneĸarsínauvoĸ inuit bîbilip ilerĸorerĸussai maligdlugit uvdluínarne inûssut ĸimerdlôráine. sôrme ãma bîbilip neriorssûtitai ĸularineĸásápat? sôrdlo agdlauserissame tugdliútume takujumârigput aulajaitsumik ugperneĸ nalornissaĸarnane ajornángitsûvoĸ. (wD 1/9 84)