ikiûtinik atuinek atuinerdlungnerdlo
TAKORDLÔRIARUK nuna tássane anguterpagssuit, arnat mêrĸatdlo kisigssáungitsut nerissagssakitdliortarnermingnik toĸorartut, inuit ĸavsêrpagssuit inigssaĸaratik sulivfigssaĸaratigdlũnît sume tamâne nûgtartut, untritilingnik tûsintiligpagssuit isumavdlûtigssatuaralugo „igdloĸarfipalât angnertût saviminernit sãtunit maligaussartunit sanât“ sumilũnît ítut, „igdlugalugit“ bîlikut mángertornernikûssut karsinigdlũnît iluarsapalâgkat, ĸinussartutdlo inûniutituarigât tigdlingniarneĸ erĸaivingnilũnît nerissagssarsiordlune agssaineĸ.
nâmik, táuna pîtsut nunagíngilât Afrikame Asiamilũnît. U.S.A.-miuna ukiut 50-it matuma sujornatigut, aningaussatigut ajutôrnerssûp nalâne. píssutsit Europame taima ajortigíngíkaluartut, tamatuma nalâne milliûniligpagssuit ernumanartumik pîtsũssuseĸardlutik inũput Europame U.S.A.-milo, neriûtigssaĸarpatdlâratik píssutsit táukua atugkamik ârĸingneĸarnigssãnut. taimatut pîtsũssutsip tákuterĸingnigssâ pitsailiniardlugo nunarpagssuarne ikiûtisiaĸarsínaunermik ârĸigssũssinerit tamanut atũtut atûtíneĸalersimáput.
uvdlumíkut nunane sulivfigssuaĸarfiussune ardlaligpagssuarne sulissartut aningaussatigut torĸigsisimangâtsiarput nâlagauvfiup ikiuiniarníkut ârĸigssũssinere iluaĸutigalugit. nunat iláine tapisiaĸartarput, sôrdlo mêrĸat tapisiãnik. akilerârutitigut ikiûtigssanut akilêĸataussarput kingusingnerussúkut sulivfigssaerútôrníkut náparsimaníkutdlo tapisiaĸarsínaunigssamingnut utorĸalinersiuteĸarnigssamingnutdlo. ajornartôrângamigdlo ikiuissarfingmit aningaussatigut ikiûtisiaĸarsínáuput.
ikiuinermik ârĸigssũssinerit taimáitut inungnik misigingneĸataunermut erssiutáuput. taimâgdlât ilâtigut ajornakusôrutinik kinguneĸartarpoĸ. inuit ilait isumaĸartarput erĸúngitsuliorfigissauvdlutik, pasigdliutigigamíko inuit ilaisa piumagaluarunik sulivdluarsínaugaluartut akilerârníkut akiliutitik ikiorneĸautigigait. avdlatdlo aningaussatigut ikiorneĸarneĸ ingmingnut nikanarsautaussutut issigissarpât. kristumiut ikiorneĸarneĸ ĸanoĸ isumaĸarfigísavât? aningaussatigut ikiorneĸardlune ajúngila? tamatumalo tungâtigut mianerssûtigssaĸarpa?
bîbilime únersũssinerit
ukiut 3000-it migssiliordlugit matuma sujornagut uvigdlarnerit mardluk No’omimik Rutimigdlo atigdlit igdloĸarfingmut Betlehemimut Judamĩtumut nûgput. pîtsũput, perdlíngitdlatdle. sôĸ? nunamime tássane inatsisit ingmíkut inássuteĸarput pîtsut, ingangmigdlo uvigdlarnerit iliarssuitdlo, inũssutigssaĸarsínaunigssãnut. — 5 Môrsase 26:12, 13.
apustilit kristumiûssut nalãne ilagît kristumiut pîtsortatik ikiortarpait. sôrdlo imáitoĸ: apustile Paulusip utorĸaunertaĸ Timoteus agdlagkanik agdlagfigâ ilâtigut únersûtdlugo uvigdlarnerit utorĸaliarssârtut pigssarsiortaerútut isumagalugit ikiortarĸuvdlugit. — 1 Timûtiuse 5:3-16.
uvdlumíkut Israelíkúnut inatsisit itsarssuaĸ agdlagsimassut táuko apustilivdlo Paulusip Timoteusimut agdlagai bîbilip imarai. taimaingmat, ajorssartunik ikiuineĸ bîbilime ilerĸorerĸussauvoĸ. imáikame, kristumiut ikiûtigssaĸartut píngitsôrnatik ĸatángutitik pîtsut ikiortariaĸarpait. — 1 Juánase 3:17.
nâlagauvfiuvme tungâníngãnît ínugtaussunut aningaussatigut ikiuinigssamut ârĸigssũssineĸarpa? tamatumûna kristumio suleĸatausínauvoĸ. kristumiut tamarmik píngitsôratik akilîssariaĸarput „akilerârutinik pissugssaĸ akilerârutinik, ilángautinik pissugssaĸ ilángautinik“. (Rûmamiut 13:7) tamákunúnga ilángússáuput akilerârutit nâlagauvfiup ikiuinigssânut akiliutigssaussut.
najorĸutagssaĸ táunaussoĸ najorĸutaralugo, píssutsit atoratdlagkavut píssutigalugit ikiûtigssat táukua ardlât pisínautitauvfigiguvtigo tapisiaĸarnigssarput erĸortuliornerúsaoĸ. apustile Paulus oĸarpoĸ nâlagkersuissut ’Gûtip kivfarigai ilingnut iluaĸutigerĸuvdlugit’. (Rûmamiut 13:4) kristumiut nangmingneĸ pissûnatik ajorssarunik ikiortariaĸardlutigdlo tapisiat sûtdlũnît, ikiûtit sôrdlo utorĸalinersiutit náparsimanersiutitdlũnît, angnikitdliortitaussunutdlo ikiûtit agdlât, erĸortumik pissagssavigait. nalorninartoĸalersínauvordle.
nalúngeĸatigingníssut nâpertordlugo aulajangigagssaĸ
oĸarta angut inûsugtoĸ aulajangersoĸ avdlamik atorfeĸarane oĸalũssissartûjumavdlune. oĸalũssissarneĸ akigssarsíssutáungingmat kajumingnermigdlo sulineruvdlune, uvdlup iláinâ sulivfeĸarpoĸ inũssutigssarsiutigalugo. imáisínauvordle uvdlup iláinâ sulivfigssarsisínaussoĸ taimâgdlât kigdligfik aulajangersimassoĸ inordlugo akigssauteĸarfiussumik, taimáitumigdlo ikiorneĸarsínautitaussoĸ. tauva ikiorneĸarnigssaminik ĸínuteĸásava?
suliumángitsutut taineĸarsínáungilaĸ. erĸortumik inũssutigssarsiordlune suliaĸarpoĸ. táussuma píssusê igdloĸarfingme pissortat pâsigpatigik ikiorneĸartugssauneralo pâsivdlugo, ímaĸa tapisiamik ikiorneĸarniángínigssânut píssutigssaĸarpiángilaĸ. taimatut ikiorneĸarneĸ nikanarsautáungilaĸ. U.S.A.-me sákutûjussut ilait agdlât taimatut tapisiaĸartarput.
nunatdle iláine nâlagauvfingmit aningaussatigut ikiorneĸarneĸ issiginiarneĸarĸajâssarpoĸ, tássanilo taineĸarêrsutut pissoĸarpat inuit narrutsautigisínauvât. taimaingmat, kristumiup píssutsit tássane atũtut erĸarsautigerĸigsârĸârtariaĸarpai.
apustile Paulus erĸaimajuk. Korintomĩkatdlarame Tessalonikamĩkatdlaramilo ilagîngnit aningaussatigut ikiorneĸarumángilaĸ, nauk ikiorneĸartugssaugaluardlune. suna píssutigalugo? tássane kristumioĸatine ajornartorsiulersíkumanagit. (2 Korintumiut 11:9; 2 Tásalûníkamiut 3:8, 9) kisiáne, igdloĸarfingne avdlane ikiorneĸartánguatsiarpoĸ. — 1 Korintumiut 9:6, 9.
narrutsautigineĸartarportaoĸ arnat ĸitornagdlit perorsaeĸatigssamingnik uveĸángitsut. sulivfigssarsiúsápat, imalũnît ikiorneĸarnigssamik ĸínuteĸásápat?
sôruname, arnat tamarmik nangmingneĸ tamána aulajangertugssauvât. mássame, nangmingneĸ ĸitornait pineĸarput. ilimanarpoĸ anânaussup erĸordluínartûtísagâ aningaussatigut ikiuinigssamik ârĸigssũssauneĸ iluaĸutigiumásavdlugo, tássûnákúme ĸitornánguane ilagiuáinarsínaugamigit. anânaussuvdle atuartûtigdlup pitsaunerutísavâ mêrĸat atuarfingmît angerdlarnerisa nalâne angerdlarsimavfingmĩtarnigssane.
áipâtigutdle ilimanarpoĸ anânaussup avdlap sulivfeĸarnigssane pitsaunerutísagâ, ĸitornane uvdlúkut avdlanut pârititdlugit. inuit píssusê ássigîngneĸ ajorput, arnardlo aulajangigâtigut issornartorsiorniásángilarput. igdlulerineĸ mêrĸanigdlo perorsaineĸ akissugssauvfiúput angnertût pivfigssamigdlo atuinartut, ingangmik arnaĸ uveĸángigpat. Israelíkut uvdluine ilaĸutarît atausĩnarmik angajorĸâgdlit ingmíkut ikiorneĸartariaĸartutut issigineĸarput. uvdlumíkut arnat tamarmik ingmíkut aningaussatigut píssutsitik atugkatigdlo avdlat nautsorssûtigerĸãsavait, tauvalo ĸanoĸ periarnigssartik aulajangísavdlugo. — 5 Môrsase 24:19-21; Jâko 1:27.
ilâtigutdle inuit aulajangigaĸartarput nalunaitsumik erĸúngitsûssumik.
ikiorneĸarnerup navianartortai
sôrdlo imáitoĸ: nunat iláine sulivfigssaerútunut tapisiap sulinerme akigssarsiarisimassap 90 procentia naligisínaussarpâ. sulivfigssaerútunut tapisiaĸartartup erĸarsautigisínauvâ sulivfigssarsiornigssane ingminut akilersínaunersoĸ. sulivfeĸángínerup iluatingnauteĸarnera agdlât kristumiup takusínáusavâ. paĸuminartunik oĸauseĸartut anigorsínauvai ilagissartagapalâtdlo sulivfingne nâpitaugajugtut ingalagsínauvdlugit.
taimatut erĸarsarneĸ ajúngila? nâgga. sujugdlermik: taimatut erĸarsauteĸartup arajutsivâ ersserĸigsumik taineĸángíkaluartumik nautsorssûtigineĸartartoĸ sulivfigssaerútunut tapisiaĸartartup sulivfigssarsiornigssâ. sumik iliúngíkune perĸuserdlugtutut issigineĸarsínauvoĸ. áipagssânik: sulivfigssaerútunut tapisiagssat avdlanit akilerârutitigut akiliutitigutdlo avdlatigut akiligaussarmata. inuit avdlat sulissarput sulivfigssaerútup ilaĸutaisa inũssutigssaĸartíneĸarnigssãnut. kristumiup sulisínaussup píssuseĸ tamána nãmagisínauvâ? — Matîuse 7:12.
ilagît Tessalonikamĩtut agdlagfigigamigit, Paulusip suliumángitsut erĸartorpai, oĸardlunilo: „kinalũnît suliumángíkune nerísángitsortaoĸ.“ (2 Tásalûníkamiut 3:10) inássut tamána silatûvoĸ. inûp sulissarnine ingminut nãmagisimârutigissarpâ. (akugdlîssup oĸausê 2:24) nãmagsissaĸardluartumik sulissángínera kingunipiloĸarsínauvoĸ. angussíngitsôrtuáinásaoĸ ímaĸalo pinerdlugtuliulísavdlune. „suliagssaminik perĸigsâriniángitsoĸ piminik aseruissup ĸatángutigâ.“ — ússatit 18:9.
sôruname sulivfigssaĸángíkune ikiorneĸarníkut aningaussarsiat inûp inũssutigissariaĸásavai. sulivfigssaĸalerpatdle kristumiup sulivfigisínauvdluagânik, Paulusip inássutâ una atortûssarpoĸ: „piuáiniarĸigsârĸuvdlusilo nangminerdlo suliagssase suliarerĸuvdlusigik agssavsínigdlo sulissarĸuvdluse, sôrdlo inákivse, ilagíngisavtíne igpingnángitsumik saĸerĸuvdluse.“ — 1 Tásalûníkamiut 4:11, 12.
kristumiule uvdloĸ nâvdlugo sulivfeĸarane aningaussatigut ikiorneĸartartoĸ kristumiutut oĸalũssissarnermut pivfigssaĸarnerúsángínerpa? taimaitdluarsínauvoĸ. inuitdle avdlat tamána ĸanoĸ isumaĸarfigísavât? Paulusip ’agssangnik sulineĸ’ ’ilagíngisavtíne igpingnángitsumik saĸissar’nermut atatípâ. suliumángitsut atarĸingnilersitsissaríngitdlat. avdlat tungaisigut ajúngitsumik nãmagsisimassait kussanángitsumik oĸautigineĸarnerata akornusersorsínauvai. — 1 Timûtiuse 3:7.
aningaussatigut ikiorneĸarsínaunerup ússernarnera ajornartorsiutinik avdlanigtaoĸ nagsataĸarsínauvoĸ. ungasíngitsúkut angut nunamut ikiuissarfeĸarfiussumut nunasivoĸ sulivfigssaerútunutdlo tapisiamik ĸínuteĸardlune. ĸínuteĸáumine nalunaerutigíngitsôrpâ nunavingmine igdlûteĸardlune — igdlûtigdlíme tapisiaĸartugssáungitdlat. taimailivdlune nâlagauvfingmit aningaussarsivoĸ piviussoĸ oĸautigíngitsôramiuk.
ássigĩngitsorpagssuartigut perĸuserdlungneĸartarpoĸ. aningaussatigut ikiorneĸarniardlune nuliaussup ímaĸa pissortat oĸalugtũpai uvime ĸimagsimagâne, nauk sule najoraluarâne. ímaĸa áiparît avigput (sulile áiparîgtut inôĸatigîgtuaraluardlutik) ilángússamik tapisiaĸarniardlutik. arnat áipaĸángitsut ilâtigut uverssartarput angnerussumik ikiûtigssarsiniardlutik. ímaĸalo inuk tapisiaĸartugssaugaluarpoĸ, tauvale píssusê nikíput. ímaĸa sulivfeĸalerpoĸ. píssutsitdle avdlángornerat nalunaerutigíngitsôrdlugo nâlagauvfingmit kommuneĸarfingmitdlũnît aningaussatigut ikiorneĸartuáinarpoĸ.
ikiuinermik ârĸigssũssinerit tamákunûnatigut atornerdlungneĸarajugput. piviussut oĸautigíngitsôrdlugit, torĸáinartumik sagdluvdlutik avdlatigutdlũnît kristumiunut ilerĸorerĸussat uniorĸutitdlugit inuit ilaisa igdloĸarfingme pissortat ilâtigut sagdloĸítartarpait ãmalo aningaussarsivdlutik. bîbilimile mianerssorĸússuteĸarpoĸ: „perĸuserdlugtuliortoĸ Jehovap maujugâ, perĸusersuitsutdle ikíngutitut najorumavdlugit.“ agdlagsimavortaoĸ: „peĸûsiorniardlune orĸaminik sagdluvdlune, tássa pujuínaĸ terĸartartoĸ toĸugssamingnik piniartune.“ (ússatit 3:32, NW; 21:6) kristumio kinalũnît aningaussanik iluanâruteĸarniáinarneĸ píssutigalugo Jehovamit maujugineĸarumásángilaĸ.
tamatumale tungâtigut sule navianartoĸarpoĸ mianerssûtigissariaĸartumik.
ikiugaunermut isumaĸarfigingningnerput
ikiûtisiaĸarnigssamik ĸínuteĸarsínaunigssaĸ nalúngínamíko, inuit ilait soĸutigigtaitsumik isumaĸartarput. akissugssauvfît bîbile nâpertordlugo inuit tamarmik ingmíkut akissugssauvfigalugit erĸortítugssaugaluardlugit, nâlagauvfingmit kommuneĸarfingmitdlũnît erĸortíneĸalersítarpait. ímaĸa ilait inungne taimatut isumaĸarajungnerussune perorsagáuput. ímaĸa kinguârîngne ardlalingne ilaĸutaisa ikiorneĸarnerínaĸ inũssutigât, avdlamigdlo inũssutigssarsiulernigssaĸ takordlôrsínaunago.
nâlagauvfiuvdle aningaussatigut ikiuinermik ârĸigssũssinerisa kristumiut akissugssáussusêrutíngilait akissugssáussutsinik Gûtimit pissáinik. Paulus oĸarpoĸ: „kialũnît . . . inoĸutine isumagíngíkunigit, táussuma ugperneĸ soraerúsimavâ ugpíngitsumit ajorneruvdlune.“ (1 Timûtiuse 5:8) nunat iláine pilersuissut ilâtigut nâlagauvfingmit ikiorneĸarunik inoĸutimingnik pilersuinermingne — utorĸalinersiutinik, mêrĸanut tapisianik taimaeĸatáinigdlo — tamáko ĸujássutigisínauvait. sulile inoĸutimingnik isumagingningnigssaĸ nangmingneĸ akissugssauvfigât.
apustile Johannesip uparuarpãtaoĸ kristumiup akissugssauvfigigâ ĸatángutine pîtsûnerussut ikiúsavdlugit. (1 Juánase 3:17) nunat iláine nâlagauvfiup pîtsut nunap pînik ilâtigut isumagissarpai. kristumiuvdle ikiuinigssaminut pissugssaunera atûtĩnarpoĸ. kristumiut inoĸatitik ikiorneĸartariaĸavigsut nunap pînik anersâvdlo pînik ĸanoĸ ikiorsínauneritik sianigissáinartariaĸarpât.
nâlagkersuissut aningaussatigut ikiuinigssamik ârĸigssũssinere „kaisari“mit ârĸigssũssáuput inoĸatinik misigingneĸataunermut erssiutauvdlutik. taima ítunik ârĸigssũssineĸángíkaluarpat, ilagît kristumiut tamatuma tungaisigut amerdlanerungârtumik suliaĸartariaĸarsimásagaluarput mãnákorníngãnît. kisiánile, kristumiup ârĸigssũssinerit taimáitut atornerdlúsángilai. sagdlúsángilaĸ. piviussut oĸautigíngitsũsángilai avdlatigutdlũnît kristumiunut ilerĸorerĸussat uniorĸutísanagit. akissugssáussuserdlo Gûtip inungmut erĸortititâ nâlagauvfingmut tugtíniásángilâ.
eprîarinut agdlagkamine Paulus oĸarpoĸ: „inûgitse aningausseritûnase pigissase nãmagalugit, [Jehova] nangmineĸ oĸarmat: iperásángilavkit ĸimásanatitdlo.“ (Eprîarit 13:5) korintomiutdlo kajumigsârpai: „sugângavsilũnît Gûte nâlangnarserĸuvdlugo pissartáinaritse.“ — 1 Korintumiut 10:31.
aulajangersumik pissautsit tamákua ila erdlingnássusê! aningausseritûnavêritse. Jehova tamatigut tunârisiuk, nâlagauvfingmitdle ikiorneĸartugssauguvta erĸortumik tigussardlugit. ĸanoĸ iliorângavtalũnît Gûtip arĸanut ĸanoĸ súniuteĸarnigssâ erĸarsautigissardlutigo. aulajangersumik pissautsit pingasut táuko erĸarsautigissáinaruvtigik, ikiûtisineĸ erĸortumik isumaĸarfigísavarput. (wD 15/9 83)
[Qupp. 12-mi assiliartaq]
píssutsit ima ítut tákuterĸingnigssât pitsailiniardlugo, inuit kíkut tamar-mik ikiûtisiaĸar-sínaunigssât ârĸigssũssiv-figineĸarpoĸ
[Qupp. 14-mi assiliartaq]
nâlagkersuissut aningaussatigut ikiuinerisa angut inoĸutiminik pilersuinigssaminut pissugssauneranik akissugssáussusêrutíngilâ