ilakutarît silarssuarme tatigingníngitsokangârfiussume

ilaĸutarîgdlune inûneĸ bîbilime erĸartorneĸangârpoĸ. tássane agdlagsimavoĸ ilaĸutarîngnerup túngavigissugssaugai asangningneĸ inuitdlo mardlûssut ingmingnut ĸitornamingnutdlo soraiuitsumik ilumôrnigssamingnik neriorssuisimanerat. (Matîuse 19:4-6) ínugtaoĸatigîngne bîbilimik nalussaĸarfiussune ilerĸorerĸussainigdlo maleruaissoĸángivfiussune agdlât, ilaĸutarîngnerup naleĸássusia ukiut 6000-it ingerdlaneráne inuit misiligtagaisigut pâsineĸarsimavoĸ.

taimáikaluartordle inûsugtorpagssuit isúmat avîsine, atuagagssiane, atuagkane fjernsynimilo oĸautigineĸartartut súniutigisimavait áiparîngneruvdlo nalivtíne naleĸássusia ugperiungnailersimavdlugo. isumaĸartoĸarpoĸ áiparîngneĸ kigdlilîvatdlârtoĸ „kivfáungíssutsimíkutdlo“ kigdlilîvfigineĸásavdlutik áiparissartik ilerĸugssanut túngassutigut ilumôrfigísaguníko. ilerĸulersûtit ĸanga atũtut kajungeríngínamíkik ilerĸulersûtit „nutât“ aulajangiútalerpait — tássáináuputdle ĸanga ilerĸordlungnertut issigineĸaraluartut atertârtitat. inôĸatigîgtarput, ingmingnutdle neriorssuinatik inûnertik nâvdlugo inôĸatigîgkumârdlutik asangningníkut, tatigingningníkut isumaĸatigîngníkutdlo.

ukiut ingerdláput. utorĸaliartorput. kîsalo ilumôrfigineĸarneĸ tapersersugaunerdlo ineriartortísínausimagaluatik atorfigssaĸartileruníkik, pâsilersarpât ajagtugauvdlutik; kiserngorúput aliasugdlutigdlo. aitsâtdlo pâsilersarpât áiparisimassaĸ píngitsôrane pissugssaujumasimángitsoĸ kigsautigíngitdluínarâlo pissariaĸavingnerane asangningnermik ilumôrnermigdlo nivtainigssaĸ pivfigssaiautigísavdlugo.

píngortitáussuserput Gûtip ilisimavâ. sût iluaĸutiginerpâssavut táussuma nalúngilai. ilerĸugssanut túngassutigut Gûtip najorĸutagssiai sumigínarneĸarsínáungitdlat kisiáne alianangârtumik kinguneĸalísavdlutik. tamána ilumôrdluínarpoĸ silarssuarme tatigingníngitsoĸangârfiussume ĸanoĸ oĸartoĸaraluarpatdlũnît. (wD 1/9 84)