Ехобаны даңқтау үшін өмір сүрейік!

Өмір — құнды сый. Күнделікті өмір салтымызбен оны қаншалықты бағалайтынымызды көрсетеміз. Ехоба куәгерлері болғандықтан, біз бар дарын-қабілетімізбен Өмірдің қайнар көзі Ехобаны мадақтауға ұмтыламыз (Зб 36:9; Аян 4:11). Бірақ осы зұлым дүниенің уайымы-қайғысы рухани істерімізді оп-оңай екінші орынға ысырып тастауы мүмкін (Мр 4:18, 19). Сол себепті әрқайсысымыз былай деп ойланып көрсек болады: “Ехобаға шын мәнінде ең жақсымды беріп жүрмін бе? (Ош 14:2). Менің жұмысым не мансабым Ехобаға деген қызметіме қалай әсер етіп жатыр? Рухани мақсаттарым қандай? Қызмет аясын қалай кеңейте аламын?” Егер жақсару керек тұстарыңызды байқасаңыз, Ехобадан көмек сұрап, қажетті өзгерістер жасаңыз. Ехобаны күн сайын мадақтасаңыз, өміріңіз қанағат пен қуанышқа толы болатынында дау жоқ (Зб 61:8).

“ДАРЫНЫҢДЫ ЕХОБА ҮШІН ҚОЛДАН” БЕЙНЕРОЛИГІН КӨРІП БОЛҒАН СОҢ, КЕЛЕСІ СҰРАҚТАРҒА ЖАУАП БЕРІҢІЗ:

• Неге дарын-қабілеттерімізді Шайтанның дүниесіне сарп ету даналыққа жатпайды? (Ж1х 2:17)

• Қолда бардың ең жақсысын Ехобаға беретіндерді қандай баталар күтіп тұр?

• Дарын-қабілеттеріңізді қасиетті қызметтің қай түрінде қолдана аласыз?