Киелі кітапты үзбей күнде оқу

Кейде күнделікті шаруаларыңыз бастан асып, Киелі кітап оқуға уақыт таппай кетесіз бе? (Ешуа 1:8). Онда келесі кеңестерді ұстанып көріңіз:

• Телефоныңыздағы “Еске салғыш” функциясын пайдаланыңыз. Киелі кітап оқитын уақытты белгілеп қойсаңыз, телефоныңыз сол уақытты есіңізге салып отырады.

• Киелі кітабыңыз көрінетін жерде тұрсын. Киелі кітапты қағаз жүзінде оқысаңыз, күнде көз алдыңызда тұру үшін оны көрінетін жерге қойып қойыңыз (Мұс. 5-ж. 11:18).

• Киелі кітаптың аудиожазбасын тыңдаңыз. Күнделікті шаруаларыңызбен айналысып жүргенде, Киелі кітаптың аудиожазбасын тыңдасаңыз болады. Түнгі уақытта жұмыс істейтін әрі бірнеше баласы бар Тара деген ізашар былай дейді: “Үй тірліктерін жасап жүргенде Киелі кітаптың аудиожазбасын қойып қоямын. Соның арқасында Киелі кітабымды бір күн жібермей оқимын”.

• Бастысы — тоқтамау. Күтпеген жағдайлардан жоспарыңыз бұзылып, Киелі кітабыңызды өз уақытында оқи алмасаңыз, жатар алдында ең болмағанда бір-екі тармақ оқыңыз. Киелі кітапты күнде аз-аздан оқып тұрудың өзі пайдалы (Пет. 1-х. 2:2).