Киелі кітап — Құдайдың бізге жолдаған хабары

Ехоба Құдайдың бізге тарту еткен ғажап сыйы — Киелі кітап. Ол 66 кішігірім кітаптан тұрады. Бірақ сіз: “Бұл кітап қайдан шыққан? Оны кім жазған?”— деп ойлайтын шығарсыз. Бұл сұрақтарға жауап алу үшін Киелі кітаптағы Құдайдың хабары бізге қалай жеткенін қарастыра кетейік.

1. Киелі кітапты адамдар жазған болса, қалайша оны Құдайдан келді деуге болады?

Киелі кітапты шамамен 1600 жыл бойы 40-қа жуық адам жазған. Бұл кітап б. з. б. 1513 жылдан б. з. 98 жылға дейінгі аралықта жазылған. Оны әртүрлі ортадан шыққан адамдар жазса да, олардың жазғандары бір-бірімен үйлеседі. Бұл мүмкін бе? Иә, мүмкін! Себебі Киелі кітаптың авторы — Құдайдың өзі (Салоникалықтарға 1-хат 2:13 оқыңыз). Киелі кітапты жазғандар өз ойларын айтпаған. Қайта, олар “Құдайдың киелі рухының қозғау салуымен айтқан”a (Петірдің 2-хаты 1:21). Алла Тағала өзінің ойларын бұл кісілерге жаздыру үшін киелі рухын қолданған (Тімөтеге 2-хат 3:16).

2. Киелі кітапты кімдер оқи алады?

“Әрбір ұлт, ру, тіл және халықтан” шыққан адамдар Киелі кітаптағы ізгі хабардың игілігін көре алады (Аян 14:6 оқыңыз). Өйткені Құдай Киелі кітаптың басқа кітаптарға қарағанда өте көп тілге аударылуына қам жасаған. Бүгінде дүниенің қай бұрышында тұрмасын, қай тілде сөйлемесін, адамдардың барлығы дерлік Киелі кітапты оқи алады.

3. Ехоба Киелі кітапты біздің күнімізге дейін қалай сақтады?

Киелі кітап ежелде тері, папирус сияқты уақыт өте тозатын материалдарға жазылған. Алайда Киелі кітапты жаны сүйген адамдар оны өте мұқият көшіріп отырған. Кейбір билеушілер мен діни жетекшілер Киелі кітаптың көзін құртуға тырысқанмен, оны сақтап қалу үшін басын қатерге тіккен жанашырлар да болған. Иә, Ехоба Киелі кітап арқылы бізбен сөйлесетіндіктен, ешкімнің де, ештеңенің де бұған кедергі жасауына жол бермеген. “Құдайымыздың сөзі мәңгі қалады”,— дейді Киелі кітап (Ишая 40:8).

ТЕРЕҢІРЕК ҮҢІЛІҢІЗ

4. Киелі кітапта оның авторы кім екені айтылған

БЕЙНЕРОЛИКТІ көріңіздер. Сосын Тімөтеге 2-хат 3:16 оқып, төмендегі сұрақтарды талқылаңыздар:

БЕЙНЕРОЛИК: “Киелі кітаптың авторы кім?” (үзінді) (2:48)

• Егер Киелі кітапты адамдар жазса, неге ол Құдай Сөзі деп аталған?

• Қалай ойлайсыз, Құдай өз ойларын Киелі кітапты жазғандардың санасына сала ала ма?

5. Қарсылықтарға төтеп берген кітап

БЕЙНЕРОЛИК: “Олар Киелі жазбаларды қадір тұтты — Үзінді (Уильям Тиндал)” (6:17)

• Киелі кітапты сақтап қалу үшін адамдардың қандай тәуекелге барғанын білген соң, оны оқуға деген ықыласыңыз артты ма?

Зәбүр 119:97 оқып, мына сұрақты талқылаңыздар:

• Көптеген адамға Киелі кітапты аударып, оны көпшілікке тарату үшін бастарын қатерге тігуге не қозғау салды?

6. Баршаға арналған кітап

Киелі кітап — тарихтағы ең көп аударылған әрі ең көп таралған кітап. Елшілердің істері 10:34, 35 оқып, мына сұрақтарды талқылаңыздар:

• Неге Құдай өз Сөзінің соншама көп тілге аударылып, таралғанын қалайды?

• Киелі кітап сізге несімен ұнайды?

ТҮЙІНДЕМЕ

Киелі кітап — Құдайдың Сөзі. Жаратушымыз оның барша адамзатқа қолжетімді болуына қам жасаған.

Қайталау

• Құдай Киелі кітапты адамдарға киелі рухының жетелеуімен жаздырған дегенді қалай түсінуге болады?

• Киелі кітаптың сақталып қалғаны, аудармасы мен таралымы жайлы білгенде, сізді не таңғалдырды?

• Құдай Киелі кітап арқылы сізбен сөйлесу үшін соншама күш салғанын білгеніңіз сізді қандай сезімге бөлейді?

ҚОСЫМША ІЗДЕНІҢІЗ

Киелі кітаптың тарихымен танысып, түпнұсқа қолжазбалар мен қазіргі аудармалар жайында біліңіз.

“Киелі кітап бізге қалай жетті?” (“Ояныңдар!” (ор.), қараша, 2007)

Басты үш қауіпке қарамастан Киелі кітаптың қалай сақталып қалғанын біліңіз.

“Уақыт сынынан өткен Киелі кітап” (“Күзет мұнарасы” № 4, 2016)

Киелі кітапты аудару үшін адамдардың тағы қандай тәуекелге барғанын көріңіз.

“Олар Киелі жазбаларды қадір тұтты” (14:26)

Киелі кітап талай көшіріліп, талай аударылған. Ондағы хабардың мазмұны тура жеткеніне неге сенімді бола аласыз?

“Киелі кітап өзгертіліп, бұрмаланған ба?” (jw.org сайтындағы мақала)