6-САБАҚ

Жазба орнын оқудағы мақсатты түсіндіру

Жохан 10:33—36

САБАҚТЫҢ БАСТЫ ОЙЫ: Тармақты оқи салып, келесі ойға өтіп кетпеңіз. Тыңдаушылар оқыған тармағыңыз бен айтып жатқан ойыңыздың арасындағы байланысты анық көре алсын.

ҮЙРЕНУ ЖОЛДАРЫ:

Негізгі сөздерді ерекшелеу. Тармақты оқып болған соң, басты ойға тікелей қатысы бар сөздерге көңіл бөліңіз. Бұл үшін сол сөздерді қайталап айтуға болады немесе тыңдаушыларға негізгі сөздерді табуға көмектесетін сұрақ қоюға болады.

Егер тармақтағы ойды басқа сөздермен түсіндіруді ұйғарсаңыз, тыңдаушылар тармақтағы сөздер мен талқыланып жатқан ойдың өзара байланысын анық көретіндей болсын.
Ойды ерекшелеу. Егер тармақты не себептен оқығалы жатқаныңызды айтсаңыз, оқып болған соң, сол себебіңізді тармақтағы негізгі сөздер қалай растайтынын түсіндіріңіз.

Тармақты түсіндіріп жатқанда, Киелі кітабыңызды ашық ұстаңыз. Сонда тыңдаушылар айтып жатқан сөздеріңіз бен тармақтың байланысты екенін көре алады.
Қарапайым түсіндіру. Басты ойға қатысы жоқ ұсақ-түйек жайттарды түсіндіріп кетпеңіз. Тыңдаушыларыңыз талқыланып жатқан тақырып жайлы не білетінін ескере отырып, ойды анық түсінуге қажетті мәліметтерді ғана келтіріңіз.