130-ән
Ғажап өмір сыйы
1. Не деген ғажап шуағы күннің,
Ақ жауын, әр түйірі алтын дәннің!
Құдайдың сыйы айнала толған,
Бірі шаттық сыйласа, бірі нәр болған.
Қайырмасы:
Ғажап өмір сыйы — сый ең бағалы,
Зор алғыс айтып, даңқтайық ұлы Тұлғаны.
Маңдай терін төгіп лайық бола алмаймыз,
Бұл сый — сый боп қалар; ғажап өмір сыйы.
2. Бәз біреу қажып, үмітін үзер,
“Өлгенім артық бұдан”,— деп ой түзер.
Алшақпыз бірақ бұл ойдан жаңсақ,
Тәубе деп, әрбір күнді жүреміз аңсап.
Қайырмасы:
Ғажап өмір сыйы — сый ең бағалы,
Ардақтап, құрмет тұтайық әрбір адамды.
Маңдай терін төгіп лайық бола алмаймыз,
Бұл сый — сый боп қалар; ғажап өмір сыйы.
(Әйүп 2:9; Зәб. 34:12; Уағ. 8:15; Мат. 22:37—40; Рим. 6:23 қараңыз.)