“Nhos ta ben obi ta papiadu di géra”

“Désdi ki N bira jornalista na anus di 1960, dja N da más di 40 notísia di géra na mundu interu. N odja géra fria ta piora kada bês más i ta kaba di un óra pa kel otu. Má nunka N ka fika tantu preokupadu sima na anu di 2025. Un di kes razon é pamodi sta ta kontise txeu géra i un di es ta ben prujudika pulítika na txeu párti di mundu di un manera ki nunka ka kontiseba antis.” — John Simpson, Iditor di asuntus internasional di BBC.

Pesoas sta preokupadu ku kes géra ki sta ta kontise na mundu. Txeu algen ta pergunta si algun dia kuzas ta ben midjora. Kuzê ki Jizus inxina?

Kuzê ki Jizus inxina?

Jizus dja flaba ma ta ben kontiseba kes kuza ki nu sta ta odja oji. El aviza ses sigidor: “Nhos ta ben obi ta papiadu di géra i di notísias di géra.” — Mateus 24:6.

Enbóra nu ta fika preokupadu óras ki nu ta odja géra ku violénsia ta kontise oji, nu ten bons motivu pa nu ten speransa. Pamodi? Pamodi Jizus fla ma kes géra ki sta ta afeta txeu algen, atitudi di pesoas i otus kuza ki sta ta kontise ta sérba “sinal. . . di fin di es mundu”. (Mateus 24:3; Lukas 21:7) Kel-li krê fla ma na futuru Jizus ta ben kaba ku géra. Modi?

Kuzê ki Jizus ta ben faze?

Ka ta dura, Jizus ki é Rei di Reinu di Deus, ta ben “kaba ku géra na téra interu.” — Salmu 46:9.

Pa sabe más sobri modi ki nu ta ben ten pas na téra interu i modi ki nos vida ta ben ser, lé artigu “Modi ki géra na mundu ta ben kaba?”.