Tra ténpu pa konxe Deus

Bu vida ta midjora si bu tra algun ténpu pa bu konxe Deus. Óras ki bu ta faze kel-li, bu ta mostra ma bu ta da valor pa bu amizadi ku Deus. Odja kuzê ki Jizus inxina sobri kel asuntu li.

Kuzê ki Jizus fla?

“Filís é kes ki sabe ma es meste di Deus.” — Mateus 5:3.

• Nos tudu nu krê sabe respósta pa perguntas sima kes-li: ‘Kal ki é obijetivu di vida? Pamodi ki ten txeu sufrimentu? Kuzê ki ta kontise ku un algen óras ki el móre?’ Sô nu ta konsigi ser filís óras ki nu ta atxa respósta pa kes pergunta li.

“Ómi ka debe vive sô di pon, má tanbê di tudu palavra ki ta sai di bóka di Jeová.”a — Mateus 4:4.

• Sima nos korpu ta meste di kumida, tanbê nu ta meste di respósta pa kes pergunta inportanti i ki ta djuda-nu bira más amigu di Deus. Jizus dexa klaru ma sénpri nu debe sforsa pa nu konxe Deus midjór asi pa nu pode bira más se amigu.

“Bu palavra é verdadi.” — Juan 17:17.

• Jizus inxina ma kel midjór manera di nu bira más amigu di Deus é através di Bíblia, ki é Palavra di Deus.

Nu ta insentiva-u pa bu tra ténpu pa bu konxe Deus i bira más se amigu asi pa bu pode ser filís pa tudu ténpu. Odja alguns kuza ki pode djuda-u faze kel-li:

• Lé Bíblia.

• Pidi un studu di Bíblia di grasa ku ajuda di un instrutor.