Izaías
12 Di serteza na kel dia bu ta ben fla:
“Ó Jeová, N ta agradese-u,
Pamodi enbóra bu staba xatiadu ku mi,
Bu raiba ba ta fika más poku i bu konsola-m.
2 Nhos odja! Deus é nha salvason.
N ta ben kunfia na el i N ka ta ben xinti medu,
Pamodi Jeová,* Jeová é nha forsa i nha puder,
I el bira nha salvason.”
3 Ku alegria nhos ta ben tra agu
Di kes fonti di salvason.
4 I na kel dia, nhos ta ben fla:
“Nhos agradese Jeová, nhos invoka se nómi,
Nhos dexa tudu povu konxe kes kuza ki el faze!
Nhos fla algen modi ki se nómi é grandi.
5 Nhos kanta lovor* pa Jeová, pamodi el faze kuzas bunitu.
Pa kel-li fladu na téra interu.
6 Bo ki ta mora* na Sion, grita di alegria i di filisidadi,
Pamodi kel Santu di Israel é grandi na bu meiu.”