Библием махуэ къэс деджэну сыт къыддэІэпыкъунур?

Дэ псоми Іуэху куэд дызэриІэм къыхэкІкІэ, Библием махуэ къэс деджэну зэман къыхэтхыну гугъуу щытыфынущ (Иис. Н. 1:8). Уэри уи Іуэхур апхуэдэу щытмэ, иджыпсту зи гугъу тщІыну чэнджэщхэм щыщ зы къэбгъэсэбэп хъунущ.

• Уи телефоныр теухуэ. Библием махуэ къэс уеджэну уигу къигъэкІыжыну уи телефоныр теухуэ.

• Библиер тыншу къыщыплъэгъун щІыпІэм деж щыгъэлъ. ТхылъымпІэм тедза Библием уеджэмэ, ар тыншу къыщыплъэгъун щІыпІэм деж щыгъэлъ (Втор. 11:18).

• Аудиозаписьхэм едаІуэ. Махуэм и кІуэцІым Іуэху щыпщІэкІэ абыхэм уедаІуэ хъунущ. ЖэщкІэ лажьэ икІи зи сабийхэр зыпІ, пионеру щыт ди шыпхъу Та́рэ къыддогуашэ: «Сэ унэм Іуэху гуэрхэр щысщІэм деж Библием и аудиозаписьхэм содаІуэ. Абы и фІыгъэкІэ сэ зы махуи блэзгъэкІкъым Алыхьым и Псалъэм семыджэу».

• Фи Іэр евмыхьэх. Иныкъуэхэм деж зыгуэр зэран къызэрытхуэхъум къыхэкІкІэ, дызыхуейм хуэдиз дыщемыджэф къохъу. Апхуэдэм деж угъуэлъыжын ипэ едзыгъуэ зыбжанэ укъеджэ хъунущ. Едзыгъуэ куэд уемыджэфми, абы сэбэпынагъышхуэ къыпхуихьыфынущ (1 Пет. 2:2).