ХъыбарыфІыр нэхъыфІу дгъэІуу зыдогъасэ. Едгъаджэхэм лъэбакъуэ ямычмэ, Библиер я гъусэу дджын щыдогъэт

АБЫ МЫХЬЭНЭШХУЭ ЩІИІЭР: ЦІыхухэр мыкІуэду къелын щхьэкІэ Иеговэ и цІэмкІэ зыхуагъэзэн хуейщ (Рм 10:13, 14). Ауэ Библиер зыдж псори Алыхьым и хабзэхэм тету псэуну хуейкъым. Дэ хъыбарыфІ гъэІуным тедгъэкІуадэ зэманыр лъапІэу долъытэ, абы къыхэкІкІэ дэ дыхуейщ Иеговэ арэзы зыщІыну хуейхэм дадэІэпыкъуну. Библием едгъаджэм и гъащІэм зэхъуэкІыныгъэ химылъхьэу щытмэ, ар къэдгъанэу, Иеговэ и организацэм къришалІэ нэгъуэщІ цІыхухэм ди зэманымрэ ди къарумрэ тедгъэкІуадэмэ нэхъыфІщ (Ин 6:44). ИужькІэ едгъаджэу щытам и гъащІэм зэхъуэкІыныгъэ гуэрхэр зэрыхилъхьэр наІуэ хъумэ, дэ ди гуапэу абы и гъусэу Библиер дджын щІэддзэжынущ (Апост 13:48).

АР ЗЭРЫПЩІ ХЪУНЫР:

• ЩІэныгъэ пэж зригъэгъуэтыну зэрыхуейм щхьэкІэ ебгъаджэ цІыхум щытхъу (1Тм 2:4)

• Библием итыр и гъащІэм къыщигъэсэбэпыным мыхьэнэшхуэ зэриІэр къыхэгъэщ (Лк 6:46—49)

• Жылэ тезысэм теухуа ущие хъыбарым къикІыр ебгъаджэм щабэу къыгурыгъаІуи, абы лъэбакъуэ ичыну сыт зэран хуэхъуми еупщІ (Мт 13:18—23)

• Абы и жагъуэ умыщІу Библием щІомыгъэджэным и щхьэусыгъуэр къыгурыгъаІуэ

• Уэ абы и деж зэман-зэманкІэрэ узэрыІухьэнур жеІэ икІи и гъащІэм зэхъуэкІыныгъэхэр хилъхьэу щІидзэмэ Библие джыныр пищэжыну Іэмал зэриІэр къыгурыгъаІуэ

«ЕДГЪАДЖЭХЭМ ЛЪЭБАКЪУЭ ЯМЫЧМЭ, БИБЛИЕР Я ГЪУСЭУ ДДЖЫН ЩЫДОГЪЭТ» ЖЫХУИІЭ ВИДЕОРОЛИКЫМ ЕПЛЪИ, КЪЫКІЭЛЪЫКІУЭ УПЩІЭХЭМ ЖЭУАП ЕТ:

• Лъэбакъуэ зымыч цІыхухъум ди къуэшыр зэрепсэлъам уи щхьэм щхьэкІэ сыт къыхэпхар?

• Ди къуэшым Библием иригъаджэм дауэ къызэрыгуригъэІуар и гъащІэм зэхъуэкІыныгъэ зэрыхьилъхьэн хуейр?

• Ди къуэшым дауэ цІыхухъум къыгуригъэІуа Библие джыныр пищэжыну Іэмал зэриІэр?