Уи гъащІэмкІэ Иеговэ гъэлъапІэ

ГъащІэр — тыгъэ лъапІэщ. А тыгъэм пщІэ зэрыхуэтщІыр ди дуней тетыкІэм къегъэлъагъуэ. Дэ Алыхьым дыхуолажьэри ди зэфІэкІхэмкІэ гъащІэр къыдэзыта Иеговэ дгъэлъэпІэну дыхуейщ (Пс 36:9; Апок 4:11). Ауэ Іуэху куэд зэран къытхуэхъункІэ хъунущ Иеговэ и лэжьыгъэм нэхъыбэу дыхэтыну дыхущІэкъуну (Мк 4:18, 19). Дэтхэнэ зыри дызэупщІыж хъунущ: «НэхъыфІ дыдэу сиІэр Иеговэ есту пІэрэ? (Ос 14:2). Лэжьыгъэм си гъащІэм сыт хуэдэ увыпІэ щиІыгъыр? Сыт сэ сызыхущІэкъур? Иеговэ и лэжьыгъэм нэхъыбэу сыхэтын щхьэкІэ сыт сщІэ хъуныр?» Уэ зыгуэркІэ зыпхъуэжын хуейуэ плъагъумэ, Иеговэ елъэІу къыбдэІэпыкъуну. Иеговэ уи гъащІэмкІэ бгъэлъапІэмэ, насыпыфІэ ухъунущ икІи гузэгъэгъуэ бгъуэтынущ! (Пс 61:8).

«ИСПОЛЬЗУЙ СВОЙ ТАЛАНТ ДЛЯ ИЕГОВЫ» ЖЫХУИІЭ ВИДЕОРОЛИКЫМ ЕПЛЪИ КЪЫКІЭЛЪЫКІУЭ УПЩІЭХЭМ ЖЭУАП ЕТ:

• Уи зэфІэкІхэр ШейтІаным и дунейм щхьэкІэ къэбгъэсэбэпыным сыт Іущагъ щІыхэмылъыр? (1Ин 2:17).

• НэхъыфІ дыдэу яІэр Иеговэ езытхэм я гъащІэм дапхуэдэу зэрызихъуэжыр?

• Уи зэфІэкІхэр дауэ къызэрыбгъэсэбэпыфынур Иеговэ и лэжьыгъэм щхьэкІэ?