НыбжьыщІэхэ, Иеговэ фи ныбжьэгъу нэхъыфІ дыдэу щыту жыфІэфыну?

Ныбжьэгъум сыт хуэдэ хьэл-щэнхэр хэлъын хуейуэ плъытэрэ? Абы пэжагъ, гуапагъ, хьэлэлагъ хэлъын хуейуэ уэ къэплъытэу къыщІэкІынщ. Мы хьэл-щэнищри Иеговэ хэлъщ (Исх 34:6; Апост 14:17). Ар уэ уи тхьэлъэІухэм йодаІуэ икІи дэІэпыкъуэгъу ущыхуэныкъуэм деж абы зыкъыпщІегъакъуэ (Пс 18:19, 35). Абы уэ уи щыуагъэхэр къыпхуегъэгъу (1Ин 1:9). Иеговэ ныбжьэгъу нэхъыфІ дыдэу зэрыщытым шэч лъэпкъ хэлъкъым!

Уэ-щэ? Уэ дауэ Иеговэ ныбжьэгъуфІ узэрыхуэхъуфынур? Абы и Псалъэ Библием уеджэурэ, ар зэгъэцІыху икІи дзыхь хуэпщІу зегъасэ (Пс 62:8; 142:2). Иеговэ лъапІэу илъытэр, псалъэм папщІэ и Къуэр, и Пащтыхьыгъуэр, и мурадыр, уэри лъапІэу зэрыплъытэр къэгъэлъагъуэ. Абы теухуауэ нэгъуэщІ цІыхухэм яжеІэ (Вт 32:3). Уэ Иеговэ ныбжьэгъу ухуэхъуу щытмэ, ар уэ уи ныбжьэгъуу игъащІэкІэ щытынущ (Пс 73:25, 26, 28).

«ЮНОШИ И ДЕВУШКИ, „ВКУСИТЕ И УЗНАЙТЕ, КАК ДОБР ИЕГОВА“!» ЖЫХУИІЭ ВИДЕОРОЛИКЫМ ЕПЛЪИ, КЪЫКІЭЛЪЫКІУЭ УПЩІЭХЭМ ЖЭУАП ЕТ:

• 

  Уи гъащІэр Иеговэ и ІэмыщІэ иплъхьэу псым зыщІэбгъэуэным зэрызыхуэбгъэхьэзыр хъуныр дауэ?

• 

  Иеговэ ухуэлэжьэну зэхуэсым щыщхэр дауэ къызэрыбдэІэпыкъуфынур?

• 

  ХъыбарыфІ гъэІуным Иеговэ гъунэгъу дауэ узэрыхуищІыр?

• 

  Иеговэ нэхъыбэу ухуэлэжьэну сыт хуэдэ Іэмалхэр уэ уиІэ?

• Уэ Иеговэ сыт фІыуэ щІэплъагъур?