Пэжым хуевгъаджэ

ФокІадэм щыщІэдзауэ «Ди гъащІэмрэ лэжьыгъэ лъапІэмрэ» жыхуиІэ дызэрылажьэ тхылъым псалъэмакъыр зэрыщІэддзэ хъун «Пэжым хуевгъаджэ» зицІэ Іэмэпсымэ иту къыдэкІынущ. Ди къалэныр упщІэрэ абы жэуап езыт едзыгъуэрэ къэдгъэсэбэпу Библием ит пэжхэм щыщ зым цІыхум гу лъедгъэтэн хуейуэ аращ.

Узэпсалъэм фІэгъэщІэгъуэн хъумэ, етІуанэу къытебгъэзэжын щхьэкІэ публикацие гуэр къыхуэбгъанэ е видеоролик гуэрым ебгъэплъ хъунущ. Псалъэмакъым пытщэн щхьэкІэ махуэ зытІущ фІэкІа дэмыкІыу цІыхум деж тедгъэзэжыну дыхущІэкъунщ. А къыдэкІыну ІэмэпсымэщІэр упщІэхэмрэ Библием щыщ едзыгъуэхэмрэ тегъэщІауэ щытынущ. Ар къыддэІэпыкъунущ Библием фІэкІ къэдмыгъэсэбэпу цІыхум деж тедгъэзэжу депсэлъэну икІи ар едгъэджэну.

Зы гъуэгу закъуэщ гъащІэм ухуэзышэр (Мт 7:13, 14). ДинкІэ е лъэпкъ къызыхэкІамкІэ зэмыщхь цІыхухэм дызэрыхуэзэм щхьэкІэ, абыхэм я гум нэсын пэжхэращ дызытепсэлъыхьын хуейр (1Тм 2:4). Библием теухуауэ цІыхухэм дызэрепсалъэр едгъэфІакІуэмэ икІи «щыпкъагъэм и псалъэхэр» цІыхухэм пэжу едгъэщІэну дыхэтмэ, дэ гуфІэгъуэшхуэ зыхэтщІэнущ икІи ехъулІэныгъэ диІэу адрейхэр пэжым хуедгъэджэнущ (2Тм 2:15).