Дыщызэхуэс Унэм щыІэ библиотекэр дауэ къызэрыдгъэсэбэпыр?

Библием ит темэ гуэр е едзыгъуэ гуэр нэхъ куууэ зэпкърыпхыну ухуейт? Е Библием зи гугъу ищІ цІыхум, къалэм е хьэпшып гуэрым теухуауэ нэхъыбэ къэпщІэну ухуейт? Хьэмэрэ уи гугъуехьым упэлъэщыну къыбдэІэпыкъун чэнджэщ Библием ущылъыхъуэрэ? Абы щыгъуэ дыщызэхуэс Унэм щыІэ библиотекэм укъыдогъэблагъэ.

Библиер куууэ бджыну къыбдэІэпыкъу Іэмэпсымэ. Иеговэ и Щыхьэтхэм уи бзэкІэ къыдагъэкІ публикациехэм щыщу языныкъуэхэр уимыІэнкІэ хъунущ. Ауэ ахэр ди библиотекэм щІэлъу къыщІэкІынщ, сыт щхьэкІэ жыпІэмэ щІэуэ къыдэкІ ди тхыгъэхэр зэпымыууэ абы щІалъхьэ. Ди публикациехэм нэмыщІ Библие зэмылІэужьыгъуэхэр, псалъалъэхэр икІи энциклопедиехэр абы къыщыбгъуэтынущ. ЗэІущІэр щІидзэн ипэ е ар иуха нэужь библиотекэр къэбгъэсэбэп хъунущ. Абы компьютер щІэтмэ, ХъумакІуэ чэщанэм и электроннэ библиотекэр (Watchtower Library), дауикІ, абы тетщ. А программэм публикацие куэдыкІей илъщ. Къызэрыплъыхъуэ Іэмалыр тыншу щытщи, узыхуей темэр, псалъэр е едзыгъуэр ди публикациехэм псынщІэу къыщыбгъуэтынущ.

«ХъыбарыфІыр зэрыдгъэІур идогъэфІакІуэ» жыхуиІэ зэІущІэм щхьэкІэ задание зыгъэхьэзырхэм дэІэпыкъуэгъушхуэ яхуохъу. Уи заданием зыщыхуэбгъэхьэзыркІэ ди библиотекэр къэбгъэсэбэп хъунущ. «Ди гъащІэмрэ лэжьыгъэ лъапІэмрэ» жыхуиІэ зэІущІэр езыгъэкІуэкІ къуэшыр кІэлъоплъ щІэуэ къыдэкІа публикациехэр библиотекэм щІалъхьэным икІи ди тхыгъэхэр къабзэу зэрахьэным. А къуэшым е Библием уезыгъаджэм уигъэлъэгъуфынущ узыхуэныкъуэр къызэрыбгъуэтыфынур. Библиотекэм щІэлъ тхылъхэр къыщІэпхи абыхэм утетхыхьи хъунукъым. Ди тхыгъэхэм ухуэсакъын хуейщ.

Библием зэрыжиІэмкІэ, щІэныгъэм «дыжьыныжьым хуэдэу... улъыхъуэрэ кІадэ гъэтІылъыгъэу ущІэхъуэпсмэ», «мис итІанэщ Тхьэр къыщыпцІыхунур» (Притчи 2:1—5, Гъэсэпэтхыдэхэр). Ди библиотекэр къыбдэІэпыкъунущ Иеговэ теухуа щІэныгъэ къэплъыхъуэну.

• Дыщызэхуэс Унэм щыІэ библиотекэм сыт щІэлъыр?

• Библиотекэр къызэрагъэсэбэпыр хэт уэзыгъэлъэгъуфынур?