Ди сайтыр къэбгъэсэбэпрэ?

Ди сайтым Библиер, публикациехэр, видеороликхэр, аудиозаписьхэр къипхыу уи телефоным, планшетым е компьютерым требгъатхэ хъунущ.

ПУБЛИКАЦИЕХЭР КЪЫЗЭРИПХ ХЪУНЫР. Интернетым ихьи сайтым и цІэр браузерым и адреснэ строкам итхэ. Уи электроннэ Іэмэпсымэм требгъэтхэну узыхуей материалыр къыхэх. Интернетым унэм ущимыхьэфмэ, Иеговэ и Щыхьэтхэр щызэхуэс Унэм, библиотекэм е ппэгъунэгъуу щыт кафем ущихьэ хъунущ. Публикациехэр къипха иужь уэ ахэр къыпхузэІухынущ интернетым зыпомыщІэу. Ди сайтым материалыщІэхэр щІэх-щІэхыурэ къралъхьэри, интернетым зыпыпщІэурэ щІэуэ къралъхьахэр къипхын хуейщ.

СЫТ АР ЩІЭТЫНШЫР? Ди сайтыр къэбгъэсэбэпу Библиер бджыну тыншщ. Электроннэ Іэмэпсымэм и фІыщІэкІэ публикациехэр зэІущІэхэм къыщыбгъэсэбэпыфынущ. Ар иджыри сэбэп хъунущ хъыбарыфІыр щыбгъэІум деж, псом хуэмыдэу неформальнэу цІыхум ущепсалъэм.