ХъыбарыфІ гъэІун лэжьыгъэр дауэ зэретхьэкІыр?

ЛІэным куэд имыІэжу Хьисэ жиІат: «Тхьэм и Тепщэныгъэшхуэм теухуа хъыбарыфІым щІылъэ псом тет цІыхухэр ирагъэдэІуэн хуейуэ щытщ, цІыху лъэпкъ псоми я пащхьэм щыхьэт щыхъун щхьэкІэ. Дунейм и кІэухыр къэсынущ абы и ужькІэ» (Маттэ 24:14). ХъыбарыфІыр дуней псом щыдгъэІуа хъун щхьэкІэ сыт тщІэн хуейр? Хьисэ щапхъэ тетхын хуейщ (Лука 8:1).

ЦІыхухэм я унэм дыщепсэлъэну дыхущІокъу. Хьисэ и гъэсэнхэр хуригъаджэт абыхэм хъыбарыфІыр унэ-унэкІэ ягъэІуну (Маттэ 10:11—13; Апостолхэм 5:42; 20:20). Япэ лІэщІыгъуэм псэуа Хьисэ и лъэужь ирикІуэхэм хъыбарыфІыр щагъэІун щІыпІэ хэха яІэу щытащ (Маттэ 10:5, 6; 2 Коринф 10:13). Дэри нобэ хъыбарыфІыр зэгъэпэщауэ зэрыдгъэІуным иужь дитщ. Зэхуэс къэс езым хъыбарыфІыр щигъэІун щІыпІэ иІэжщ. Абы Іэмал къыдет «Тхьэм и псалъэхэм цІыхухэр едгъэдэІуэну» жыхуиІэ Хьисэ и унафэр дгъэзэщІэну (Апостолхэм 10:42).

ЦІыху здэщыІэу хъуам дэ хъыбарыфІыр щыдогъэІу. ЦІыху здэщыІэу хъуам Хьисэ хъыбарыфІыр щигъэІут, псалъэм папщІэ, хы Іуфэм деж, псыкъуийм деж (Марк 4:1; Иуан 4:5—15). Хьисэ и щапхъэм дытету дэри дэнэ щІыпІи хъыбарыфІыр щыдгъэІуну дыхущІокъу: уэрамхэм, паркхэм, телефонкІэ е цІыхухэр щылажьэ щІыпІэхэм дыкІуэурэ. Абы нэмыщІ Іэмал диІэ зэрыхъуу, ди гъунэгъухэм, къыддэлажьэхэм, къыддеджэхэм, ди благъэхэм хъыбарыфІыр яжыдоІэ. Апхуэдэу зэрытщІым и фІыгъэкІэ «гъащІэр къезыгъэл хъыбарыр» мелуан бжыгъэ хъу цІыхухэм зэхах (Псалом 96:2).

Алыхьым и Пащтыхьыгъуэмрэ гугъэ дахэ диІэмрэ теухуауэ хэт зыжепІэ хъунур? А щІэныгъэр зыми щумыгъэпщкІу. Іэмал уиІэ зэрыхъуу хъыбарыфІымкІэ адрейхэм ядэгуашэ!

• Сыт хуэдэ хъыбар дуней псом щыгъэІун хуейр?

• Иеговэ и Щыхьэтхэр Хьисэ къытхуигъэна щапхъэм дауэ зэрытетыр?