Nthimo
2 Mũthũkũmi wĩ ũmanyi mũliku akasumbĩka mwana ũla wĩkaa maũndũ me nthoni;
Akakwata ũtiĩwa ta ũmwe wa ana-a-ĩthe.
3 Mbisũ ya kũtheesya syĩndũ nĩ kwondũ wa vetha na ĩiko ĩnene kwondũ wa thaavu,
Ĩndĩ Yeova nĩwe ũthianaa ngoo.
4 Mũndũ mũthũku ateaa kũtũ ethukĩĩsye ũneeni wa kũũmĩsya,
Na mũkengani ethukĩĩasya ũĩmĩ wa kũũmĩsya.
5 Ũla ũthekeeaa ngya aumaa Mũmbi wayo,
Na mũndũ o na wĩva ũtanaa mũndũ ũngĩ e mũisyonĩ ndakaema kũsilĩlwa.
7 Ũneeni wa ũlũngalu* ndwĩthĩawa waĩlĩte ndia.
Na nowʼo mũsumbĩ* ũtethĩawa aĩlĩtwe nĩ ũneeni wa ũvũngũ o na vanini!
8 Mũthĩnzĩo wĩthĩawa ta ĩvia ya thooa mũnene* vala ve mwene;
Kĩla vandũ wathi, ũtumaa maũndũ make mathi nesa.
9 Mũndũ o na wĩva ũekeaa* ĩvĩtyo amanthaa wendo,
Ĩndĩ ũla ũtindĩaa kũneenea ũndũ aanasya anyanya me ndũũ mũno.
10 Ũkanyʼo ũlikaa mũno ngoonĩ ya ũla wĩ ũtonyi wa kũelewa maũndũ
Kwĩ kũkũna ndia mavinda ĩana.
11 Mũndũ mũthũku amanthaa o ũlei,
Ĩndĩ mũtũmwa ũte tei akatũmwa akamũkanyʼe.
12 Nĩ kavaa kũkomana na nduva ĩvenetwe tũswii twayo
Kwĩ kũkomana na ndia ũtumanunĩ wayo.
13 Ethĩwa mũndũ o na wĩva akaĩva ũseo na ũthũku,
Ũthũku ndũkauma nyũmbanĩ yake.
14 Kwambĩĩsya kaũ nĩ ta kũvingũa mbũthi sya kĩwʼũ;*
Ĩteta yĩtanambĩĩa, ĩyĩendee.
15 Mũndũ o na wĩva ũvetangĩaa ũla mũthũku ĩvĩtyo na mũndũ o na wĩva waasya ũla mũlũngalu e ĩvĩtyo,
Elĩ nĩmamũthatasya Yeova.
16 Ve vata mwaũ ndia kwĩthĩwa na ũtonyi wa kwĩthĩwa na ũĩ
Na ndĩthĩawa na ngoo ya kwĩthĩwa nawʼo?*
17 Mũnyanya wa wʼo endanaa mavinda onthe
Na ethĩawa e mwana-a-ĩthe ũsyaĩtwe kwondũ wa mavinda ma thĩna.
19 Ũla wendaa ĩteta endaa ĩvĩtyo.
Mũndũ o na wĩva wambatasya ũlikĩlo wake athokasya wanangĩko.
20 Ũla mũthyoeku ngoonĩ ndakaaĩla,*
Na ũla ũneenaa ũvũngũ akavalũka wanangĩkonĩ.
21 Ũla ũtw’ĩkaa ĩthe wa mwana ndia ethĩawa na kyeva;
Na ĩthe wa mwana ũte kĩlĩko ndethĩawa na ũtanu.
23 Mũndũ mũthũku akoosa ĩvaki evithĩte*
Nĩ kana elelũkye nzĩa ya ũsili wa katĩ.
24 Ũĩ wĩthĩawa vaa mbee vyũ ũthyũnĩ wa mũndũ ũla wĩ ũtonyi wa kũvathũkanyʼa maũndũ,
Ĩndĩ metho ma ndia mangangaa nginya itulunĩ sya* nthĩ.
25 Mwana ndia aeteae ĩthe kyeva
Na ayĩetee ũla wamũsyaie kyalya kya ngoo.*
26 Ti ũseo kũkanyʼa mũndũ mũlũngalu,*
Na kũvũa mũndũ ũnengetwe ndaĩa kũyosanĩte na kĩla kyaĩlĩte.
27 Mũndũ wĩ ũmanyi nũsiĩĩaa ndeto syake,
Na mũndũ wĩsĩ kũvathũkanyʼa maũndũ akekala auĩtye.*
28 O na mũndũ mũtumanu ũla wĩkalaa avindĩtye akooneka ta mũĩ,
Na mũndũ ũla ũtumasya ilomo syake, ta mũndũ wĩ ũtonyi wa kũvathũkanyʼa maũndũ.