Nthimo
3 Ia ũndũ o na wĩva ũla ũkwĩka mokonĩ ma Yeova,*
Na mĩvango yaku ĩkaaĩla.
4 Yeova aseũvĩtye kĩla kĩndũ kĩanĩsye kĩeleelo kyake,
O na ala athũku kwondũ wa mũthenya wa mũisyo.
5 Kĩla mũndũ wĩ ngathĩĩo ngoonĩ yake nũthatasya Yeova.
Manya nesa* kana ndakaema kũsilĩlwa.
6 Nũndũ wa wendo ũtathelaa na ũĩkĩĩku, ĩvĩtyo nĩyĩekeawa,
Na nũndũ wa kũmũkĩa Yeova, mũndũ nĩwĩthyũũaa akatia ũthũku.
7 Yĩla Yeova wendeewʼa nĩ nzĩa sya mũndũ,
Nũtumaa o na amaitha make methĩwa na mũuo nake.
8 Nĩ kavaa kwĩthĩwa na kĩndũ kĩnini na ũlũngalu
Kwĩ kwĩthĩwa na ũkwati mwingĩ vate ũsili wa katĩ.
9 Mũndũ no avange nzĩa yake ngoonĩ yake,
Ĩndĩ Yeova nĩwe ũtongoeasya matambya make.
10 Ũtwi mũveveee* waĩlĩte kwĩthĩwa ilomonĩ sya mũsumbĩ;
Ndaĩlĩte kwĩsa kũvũnyanĩa sila wa katĩ.
11 Ithimi sya wʼo syumaa kwa Yeova;
Ithimo syonthe syĩ mũvukonĩ nĩ wĩa wake.
12 Maũndũ mathũku nĩmathatasya asumbĩ,
Nĩkwĩthĩwa kĩvĩla kya ũsumbĩ kĩlũlũmĩĩlawʼa vyũ na ũlũngalu.
13 Ũneeni wa ũlũngalu nĩwendeeasya asumbĩ.
Nĩmendete mũndũ ũla ũneenaa maũndũ ma wʼo.
14 Ũthilĩku wa mũsumbĩ nĩ ta mũtũmwa wa kĩkw’ũ,
Ĩndĩ mũndũ mũĩ nũũvoovasya.*
15 Vethĩawa thayũ ũkenũkunĩ wa ũthyũ wa mũsumbĩ;
Ũseo wake nĩ ta ĩtu ya mbua ĩvindanĩ ya mbua ya uũa.
16 Kote ũndũ mũseo mũno kwĩkĩa kĩthito wĩthĩwe na ũĩ kwĩ thaavu!
Kwĩkĩa kĩthito ũelewe maũndũ kwaĩlĩte kũnyuvwa kwĩ vetha.
17 Nzĩa ya ala alũngalu nĩyĩvathanaa na kĩla kĩthũku.
Mũndũ o na wĩva ũla ũsũvĩaa nzĩa yake asũvĩaa thayũ wake.
18 Ngathĩĩo syũkaa mbee wa kũvalũka,
Na veva wa mĩngʼathĩlĩĩlyo wũkaa mbee wa kũlulutĩka.
19 Nĩ kavaa kwĩthĩwa wĩnyivĩtye* wĩ katĩ wa ala auu
Kwĩ kũaana mũtavo na ala me mĩngʼathĩlĩĩlyo.
20 Mũndũ ũla wonanasya ũmanyi mũliku ũndũnĩ akaaĩla,*
Na nĩ mũtanu mũndũ ũla wĩkwatasya Yeova.
21 Ala oĩ ngoonĩ makeetwa andũ maeleawa maũndũ,
22 Ũmanyi mũliku nĩ mbuluti ya* thayũ kwa ala methĩawa nawʼo,
Ĩndĩ ala atumanu malũngawa nĩ ũtumanu woo ene.
23 Ngoo ya mũndũ mũĩ ĩnengae kanyw’a wake ũmanyi mũliku
Na nĩyongelaa ũneeni wake ũtonyi wa kũkusya angĩ.*
24 Ndeto sya kwendeesya nĩ ĩwa ya ũkĩ wa nzũkĩ,
Syĩ mũyo kwa thayũ* na nivoasya mavĩndĩ.
25 Ve nzĩa yonekaa ta yaĩlĩte methonĩ ma mũndũ,
Ĩndĩ mũthya ĩtongoeasya kĩkw’ũnĩ.
26 Mea ma kũya ma* mũthũkũmi matumaa athũkũma na kĩthito
Nĩkwĩthĩwa nzaa ĩmũthangaasya* aendeee kũthũkũma.
27 Mũndũ vathei enzaa kĩla kĩthũku;
Ũneeni wake wĩthĩawa ũilye ta mwaki ũvĩvasya ũkaũngũsya.
29 Mũndũ mũngʼendu asesengaa mũtũi wake
Na aimũtongoesya nzĩanĩ nthũku.
30 Avenasya itho yake aivanga mĩvango ya kũũmĩsya.
Atumanasya ilomo syake ayĩka maũndũ ma kũũmĩsya.
31 Mũtwe wĩ mbuĩ nĩ ngovia ya ũsumbĩ ya wanake*
Yĩla wooneka nzĩanĩ ya ũlũngalu.
32 Mũndũ ũla ũtathataa mĩtũkĩ e kavaa kwĩ mũndũ wĩ ũtonyi,
Na mũndũ ũla ũsiĩĩaa ũthatu wake* e kavaa kwĩ ũla ũsindaa ndũa.
33 Kula ikũnĩawa ngũanĩ,*
Ĩndĩ kĩla ũtwi wasyo wumaa kwa Yeova.