Nthimo
13 Mwana mũĩ nĩwĩtĩkĩlaa kũlũngwa nĩ ĩthe wake,
Ĩndĩ ũla wĩ kĩvũthya ndethukĩĩasya alũngwa.*
3 Ũla ũsũvĩaa kanyw’a wake* asũvĩaa thayũ wake,
Ĩndĩ ũla ũtumũkanasya ilomo syake mũno akakwatwa nĩ wanangĩko.
5 Ũla mũlũngalu nũmenete ũvũngũ,
Ĩndĩ meko ma ũla mũthũku maetae nthoni na kĩvũthya.
6 Ũlũngalu nũsũvĩaa mũndũ ũla nzĩa yake ĩte ĩvĩtyo,
Ĩndĩ ũthũku nũvalũkasya mwĩki wa naĩ.
7 Ve mũndũ wĩtwʼĩkĩthasya mũthwii, ĩndĩ ndethĩawa na kĩndũ;
Na ve ũngĩ wĩtwʼĩkĩthasya ngya, ĩndĩ ethĩawa na ũthwii mwingĩ.
8 Ũthwii nĩ wovosyo wa thayũ wa mũndũ,
Ĩndĩ ngya o na iitĩsawʼa.*
9 Kyeni kya alũngalu kĩkenaa mũno,*
Ĩndĩ taa wa ala athũku ũkavowʼa.
10 Mĩtavyo ĩetae o ĩteta,
Ĩndĩ ũĩ nĩ wa ala mamanthaa ũtao.*
11 Ũthwii ũla ũmanthawa na mĩtũkĩ* ũkaoleka nginya ũthele,
Ĩndĩ ũthwii wa ũla ũwũmbanasya o kavola kwa kavola* ũkongeleka.
12 Maũndũ ala mũndũ weteele makũĩĩwʼa matumaa* ngoo ĩwaa,
Ĩndĩ wendi ũla weanĩwʼa nĩ mũtĩ wa thayũ.
13 Ũla ũvũthasya kĩla ũkũmanyĩwʼa* akaĩvĩa,
Ĩndĩ ũla ũnengae mwĩao ndaĩa akatuvwa.
15 Ũmanyi mũliku na mwingĩ nũtumaa mũndũ onwʼa ũseo,
Ĩndĩ nzĩa ya nzeleke nĩyĩũmĩasya.
16 Mũndũ mũĩ ekaa maũndũ kwa nzĩa ĩkwonanyʼa e na ũmanyi,
Ĩndĩ ũla mũtumanu onanasya vyũ ũndũ we mwene ũtumene.
17 Mũtũmwa mũthũku avalũkaa thĩnanĩ,
Ĩndĩ mũtũmwa mũĩkĩĩku aetae ũvosyo.
18 Ũla ũvũthĩĩasya ũkanyʼo atwʼĩkaa ngya na aivũthwʼa,
Ĩndĩ ũla wĩtĩkĩlaa kũlũngwa* akakumwʼa.
19 Wendi weanĩwʼa ũtumaa mũndũ ewʼa* mũyo,
Ĩndĩ ndia nĩmenaa kwĩthyũũa yume ũthũkunĩ.
20 Ũla ũendanasya na ala oĩ akeethĩwa mũĩ,
Ĩndĩ ũla ũtindanasya na ndia akaendeea naĩ.
21 Mũisyo ũatĩĩaa eki ma naĩ,
Ĩndĩ ala alũngalu makatuvwa na syĩndũ nzeo.
22 Mũndũ mũseo nũtiĩaa esũkũũe ũtiĩwa,
Ĩndĩ ũthwii wa mwĩki wa naĩ ũkaiĩwa ũla mũlũngalu.
23 Mũũnda mũĩme wa ngya ũsyaaa lĩu mwingĩ,
Ĩndĩ no ũtutwe* vyũ nĩ ũsili ũte wa katĩ.
25 Mũndũ mũlũngalu nũĩsaa na aivũna,*
Ĩndĩ ĩvu ya ũla mũthũku yĩthĩawa yĩ ĩthei.