Yovu
31 “Nĩndianĩĩte ũtianĩo na metho makwa.
Kwoou ndonya ata kũsisya mwĩĩtu ũtesĩ mũndũũme kwa nzĩa ĩtaĩlĩte?
2 Nĩ kĩanda kĩva ĩndĩ ngwata kuma kwa Ngai ũla wĩ ĩũlũ,
Nĩ ũtiĩwa wĩva ngwata kuma kwa Mwene Vinya Wʼonthe ũla wĩ ĩũlũ?
3 Wʼo mũisyo ndweteelaa mwĩki wa naĩ
Na thĩna ala mekaa maũndũ ma kũũmĩsya?
4 We ndonaa nzĩa syakwa
Na aitala matambya makwa onthe?
5 Nyie naaendela nzĩanĩ ĩte ya wʼo?*
Kwʼo kũũ kwakwa kwaaĩkalaata kũkengane?
6 Ngai nĩ anthime na ithimi sya wʼo;
Na ĩndĩ akamanya wĩanĩu wakwa.
7 Matambya makwa makelelũka kuma nzĩanĩ
Kana ngoo yakwa ĩkaatĩĩa metho makwa
Kana moko makwa makethĩwa mavukĩtwʼe,
8 Eka ĩndĩ nĩvande mbeũ na mũndũ ũngĩ aiya,
Na eka kĩla ngũvanda kĩkũwe.*
9 Ethĩwa ngoo yakwa yaasesengwa nĩ mũndũ mũka
Na naaoveesya neteele mũomonĩ wa mũtũi wakwa,
10 Eka ĩndĩ kĩveti kyakwa kĩthiĩe mũndũũme ũngĩ lĩu wa mbaa ngetha,
Na eka aũme angĩ mamanyane kĩ-mwĩĩ nakyo.*
11 Nũndũ ũsu wĩthĩwa wĩ mwĩkalĩle wĩ nthoni,
Ĩvĩtyo yaĩlĩte kũsilĩlwa nĩ asili.
13 Ethĩwa nĩnaimie athũkũmi makwa aũme kana athũkũmi makwa aka ũsili wa katĩ
Yĩla manyungunyĩasya* nũndũ wa ũndũ mũna ĩũlũ wakwa,
14 Ndonya kwĩka ata Ngai ambĩĩa kũnzilĩla?*
Ndonya kũmũsũngĩa ata enda nzũngĩe nũndũ wa kĩla nĩkĩte?
15 We Ũla wambũmbĩie ĩvunĩ ya inyia wakwa tyo we wamombie?
We tyo we o Ũla watũmbie tũtanamba kũsyawa?*
16 Ethĩwa nĩnaleile kũnenga ngya kĩla syendaa
Kana nĩnathatisye metho ma mũndũ mũka ndiwa;*
17 Ethĩwa nĩnaĩe lĩu wakwa nĩ nyioka
Ndekwaĩa syana ndiwa;
18 (Nũndũ kuma nĩ wa mũika nĩthĩĩtwe ndiea kana ndiwa* ta nĩ ĩthe wako.
19 Ethĩwa nĩnoonie mũndũ o na ũmwe aithela nũndũ nde na ngũa
Kana mũndũ ngya ũte na kĩndũ kya kwĩvwʼĩka;
20 Ethĩwa ndaambathima*
Ayĩkwatya muutĩa na wʼĩa wa ĩlondu yakwa;
21 Ethĩwa nĩnathingithĩisye mwana ndiwa ngundi yakwa
Yĩla wendaa ũtethyo wakwa mũvĩanĩ wa ndũa;*
22 Eka ĩndĩ kwʼoko kwakwa kũvalũke* kuma kĩtuonĩ kyakwa,
Na eka kwʼoko kwakwa kũtũlĩlwe kĩngokoanĩ.*
23 Nĩkwĩthĩwa nĩnakĩie mũno mũisyo kuma kwa Ngai,
Na ndyaĩ ndonya kũũngama mbee wa ũnene wake.
24 Ethĩwa nĩnaiie wĩkwatyo wakwa thaavunĩ
Kana neea thaavu mũseo, ‘Nue wĩkwatyo wakwa!’
25 Ethĩwa ũtanu wakwa waĩ ũthwiinĩ wakwa mwingĩ
Nũndũ wa syĩndũ mbingĩ ila neemanthĩie;
26 Ethĩwa nĩnoonie sua yaĩte*
Kana mwei ũendete wĩ ũseonĩ wawʼo mwingĩ;
27 Na ngoo yakwa yasesengwa kĩmbithĩnĩ,
Na kanywʼa wakwa wamumunya kwʼoko kwakwa ndiithaitha;
28 Nĩvo ĩndĩ yĩu yĩthĩwa yĩ ĩvĩtyo yaĩle kũsilĩlwa nĩ asili,
Nũndũ nĩthĩwa nĩkaĩĩte Ngai ũla wa wʼo wĩ ĩũlũ.
29 Nyie naaĩsa kũtana nũndũ mũmaitha wakwa nĩwaanangwa
Kana ngewʼa mũyo nũndũ nĩwakwatwa nĩ ũthũku?
30 Ndyaaĩsa kwĩtĩkĩlya kanywʼa wakwa ũvĩtye
Kwa kũmũumanĩa na kwenda akwʼe.*
31 Mo aũme ma ĩeema yakwa mayaakũlya,
‘Nũũ ũtonya kwona mũndũ o na wĩva ũtaavũnwʼa nĩ lĩu wake?’*
32 Vai mũeni* waakoma nza ũtukũ;
Nĩnavingũĩaa mũendi wa kyalo mĩomo yakwa.
33 Yo naatata kũvwʼĩka naĩ syakwa, ta andũ ala angĩ,
Kwa kũvitha ĩvĩtyo yakwa ngusunĩ ya ngũa yakwa?
34 Yo naakĩa kwona ũndũ ĩkomano ya andũ yĩkwĩka,
Kana naatelemwʼa nĩ kĩvũthya kya mĩsyĩ ĩngĩ,
Ũndũ nĩvindĩthwʼa na ngakĩa kumaalũka?
35 Ta keka ve mũndũ ũmbĩthukĩĩsya!
Nĩkĩa saii ya ĩsyĩtwa yakwa maũndũnĩ ala naweta.*
Mwene Vinya Wʼonthe nanzũngĩe!
Ta keka mũndũ ũla ũnzikatĩte nũandĩkĩte vandũ maũndũ ala ũnzikatĩe!
36 Nĩvakua na kĩtuo kyakwa,
Na nĩvova mũtwenĩ wakwa ta ngovia ya ũsumbĩ.
37 Nĩmũtavya maũndũ onthe ala nĩkĩte ĩũlũ wa kĩla ĩtambya nosete;
Nĩthi mbee wake nĩ na ũkũmbaũ, ta mũnene.
38 Ta keka mũũnda wakwa no ũĩe na wasya mũnene nũndũ wakwa
Na mĩkao yawʼo ĩyĩĩa vamwe;
39 Ethĩwa nĩnĩĩte ũsyao wawʼo vate ndĩvi,
Kana ethĩwa nĩnĩtumĩte ene matũlĩka ngoo;*
40 Yu ĩndĩ eka mĩwʼa ĩmee kwondũ wakwa vandũ va nganũ
Na ĩia yĩ mũuke mũthũku vandũ va mbaale.”
Ndeto sya Yovu syathelela vau.