Yovu

30 “Yu nĩmanthekeeaa,

Aũme anini kwĩ inyie,

Ala aa-ĩthe moo nĩthĩwa ndaaĩtĩkĩla

Kũmaia vamwe na ngitĩ ila syasungaa ndĩthya yakwa.

 3 Nĩmaminĩtwe nĩ ũkya na nzaa;

Mathũũnaa nthĩ nyiau vyũ

Ĩla yaĩ yaanangiwe na ĩkatiwa ĩte kĩndũ.

 4 Mombanasya mũmea wa mũnyũ kuma ikuthunĩ;

Lĩu woo nĩ mĩi ya mĩtĩ ya mĩlutemu.

 5 Nĩmalũngawʼa makaumwʼa motũinĩ;

Andũ mamakelelasya o ũndũ matonya kũkelelya kĩngʼei.

 6 Mekalaa ivaũũkonĩ sya myanda,*

Maimanĩ me nthĩ na mavianĩ.

 7 Maĩaa na wasya mũnene me ikuthunĩ

Na mengʼuthanĩaa vamwe syĩnyeelyanĩ.

 8 Nũndũ mo nĩ syana sya andũ atumanu na mate ĩsyĩtwa,

Nĩmalũngĩtwʼe* ĩ nthĩ.

 9 Ĩndĩ yu manthekeeaa o na mbathinĩ syoo;

Ndwʼĩkĩte kĩndũ kya kũvũthwʼa nĩmo.*

10 Nĩmamenaa na mayĩkala vaasa nakwa;

Maikĩaa kũtwʼĩla ũthyũ wakwa mata.

11 Nũndũ Ngai nũmbonzetye* na akanyivya,

Mayĩsiĩĩaa o na vanini* me mbee wakwa.

12 Mambũkĩlĩĩlaa kwʼokonĩ kwakwa kwa aũme ta nguthu;

Matumaa nĩsemba nĩkĩĩte

Na mayĩkĩa isiĩĩi sya wanangĩko kasĩlanĩ kakwa.

13 Manangaa nzĩa syakwa

Na maituma mũisyo wakwa ũthũkĩĩa,

Vate na mũndũ o na ũmwe wa kũmasiĩĩa.*

14 Mokaa ta mesĩle mwatũkanĩ mũnene wĩ ũkũtanĩ;

Mavingilitaa makalika katĩkatĩ wa kũndũ kwanangĩku.

15 Ũtĩsyo nũngĩlasya vinya;

Ndaĩa yakwa ĩkuawa ta ĩkuĩtwe nĩ kĩseve,

Na ũtangĩĩo wakwa ũthelaa ta ĩtu.

16 Yu thayũ wakwa ũendeee kũthela o kavola kwa kavola;

Mĩthenya ya thĩna nĩngwatĩte.

17 Kyalya kĩtonyaa mavĩndĩ makwa* ũtukũ;

Na woo ũũnthũũna ndwĩsaa kũthela.

18 Ngũa yakwa nĩyanangawa nĩ vinya mwingĩ;*

Ĩmbitaa ta kala ya ngũa yakwa.

19 Ngai ambĩkĩtye nthĩ ndakanĩ;

Ndwʼĩkĩte kĩtoo na mũu.

20 Nĩkũĩĩaa ũndethye, ĩndĩ ndũnzũngĩaa;

Nĩũngamaa, ĩndĩ wĩkaa o kũnzisya.

21 Ũmbithũkĩĩte ũteũmbĩwʼĩa tei;

Ũngũnaa na ũtonyi wʼonthe wa kwʼoko kwaku.

22 Ũmbũkĩlasya na ũingua na kĩseve;

Na ĩndĩ ũimbĩkya kũũ na kũũ kĩuutaninĩ.*

23 Nĩkwĩthĩwa nĩnĩsĩ ũkantheesya kĩkwʼũnĩ,

Nyũmbanĩ ĩla andũ onthe ala me thayũ makakomanĩa.

24 Ĩndĩ vai ũmwe ũkũna mũndũ mũtũlĩku*

Aendeee kũĩĩa ũtethyo ĩvindanĩ yĩla wakwatwa nĩ mũisyo.

26 O na kau neekwatasya maũndũ maseo, ala mathũku nĩmo mookie;

Neetelete kyeni, ĩndĩ kĩvindu kyooka.

27 Kĩthokoanyʼo kĩla kĩ nthĩnĩ wakwa kĩyaathela;

Mĩthenya ya thĩna nĩyangwatie.

29 Ndwʼĩkĩte mwana-a-inyia wa mbĩwa*

Na mũnyanya wa eĩtu ma nyaa.

30 Kĩkonde kyakwa nĩkiĩte na kĩkasyũlĩka;

Mavĩndĩ makwa mavĩsaa nĩ ũvyũvu.*

31 Mũio wakwa wa wathi wĩ na ndii 12* ũtũmĩawa o kwondũ wa kũmeta,

Na mũtũlilũ wakwa kwondũ wa wasya wa kũĩa.