Yovu
26 Yovu asũngĩie asya:
2 “We ko nũtetheesye ũla ũte na ũtonyi!
Ko nũtangĩĩĩte kwʼoko kũla kũte na vinya!
3 Ũnengete ũla ũte na ũĩ ũtao mũseo ta kĩ!
Ko nũvuanĩtye ũĩ waku wa kwĩka maũndũ* ũte kũthima!*
4 Nũũ ũũtata kũneena nake,
Na nũũ ũkũveveete ũwete maũndũ ta asu?*
5 Ala makwie na mate na ũtonyi o na ũmwe nĩmatetemaa;
O na methĩawa me ĩtheo kwĩ kĩwʼũ na syũmbe ila syĩkalaa nthĩnĩ wakyo.
7 Atambũũkasya yayaya ya ngalĩko ya ĩũlũ* vandũ vate kĩndũ,*
Asũnzũũlasya nthĩ vandũnĩ vathei;
8 Alingaa kĩwʼũ matunĩ make,
Nĩ kana matu maikatũĩkwʼe nĩ ũito wamo;
9 Nũvwʼĩkaa kĩvĩla kyake kya ũsumbĩ kĩikoneke,
Aitambũũkya ĩtu ĩũlũ wakyo.
10 Nĩwĩkĩaa mũvaka* katĩ wa yayaya na ũkanga;
Nĩwĩkĩaa mũvaka katĩ wa kyeni na kĩvindu.
11 Ituĩ sya ĩtu nithingithaa;
Nisaanĩawʼa nĩ ũkanyʼo wake.
12 Nũkwaithangasya ũkanga na ũtonyi wake,
Atũmĩaa ũtonyi wake wa kũelewa maũndũ kũtilanga nyamũ nene ya ũkanganĩ* ilungu.
14 Sisya! Maũndũ asu no mĩthya ya nzĩa syake;
Maũndũ ala mewʼĩkĩte ĩũlũ wake no kĩwe kĩte kwĩwʼĩka nesa!
Kwoou nũũ ũtonya kũelewa kĩtundumo kyake kĩ vinya?”