Yovu

25 Mbilitati, ũla waĩ Mũsuua, asũngĩie asya:

2 “Ũsumbĩ na ũtonyi wa kũtelemya nĩ syake;

Nũlũlũmĩĩlasya mũuo ĩtunĩ.*

3 Syo ita syake no italĩke?

Nũũ ũtaumĩawa nĩ kyeni kyake?

4 Kwoou we mũndũ ũtonya kũkwʼa atonya kwĩthĩwa e mũlũngalu ata methonĩ ma Ngai,

Kana we mũndũ ũsyaĩtwe nĩ mũndũ mũka atonya kwĩthĩwa ate mavĩtyo* ata?

5 O na mwei ndwĩthĩawa wĩ mũkenu

Na ndata iyĩthĩawa ntheu methonĩ make,

6 Yu we wĩona ta wonaa mũndũ ũla ũtonya kũkwʼa ata, ũla nĩ kĩinyũ,

Na mwana wa mũndũ, ũla nĩ mwenya!”