Yovu

13 “Ĩĩ, itho yakwa nĩyonete maũndũ asu onthe,

Kũtũ kwakwa nĩkũmewʼĩte na kũkamaelewa.

 2 Kĩla inywʼĩ mwĩsĩ, o nakwa no nĩkĩsĩ;

Nyie nĩanene o nenyu.

 3 A vakwa, nĩ kavaa nganeena na Mwene Vinya Wʼonthe ne we;

Nĩenda kwĩtetea mbee wa Ngai.

 4 Ĩndĩ inywʼĩ mwĩmbakanga ũvũngũ;

Inywʼonthe mwĩ aiiti vathei.

 5 Keka no mũvindye vyũ,

Kĩu kyonanyʼa mwĩ oĩ.

 6 Mwa, ĩthukĩĩsyei ndyĩtetea,

Na mũitea matũ nesa mwĩwʼe kwĩsũvana kwa ilomo syakwa.

 7 Yo inywʼĩ mwĩneena maũndũ mate ma ũsili wa katĩ kwondũ wa Ngai,

Na mwĩneena ũvũngũ kwondũ wake?

 8 Inywʼĩ nĩmũkũũngama ngalĩko ĩla yake,*

Nĩmũũtata kũtetea Ngai ũla wa wʼo?

10 Vate nzika, nũkũmũkanyʼa

Mwatata kwonanyʼa kyende kĩmbithĩnĩ.

11 Yo ndaĩa yake ndĩmũtelemya

Na mũikwatwa nĩ wia mwingĩ nũndũ wake?

12 Ũneeni wenyu wa ũĩ* nĩ nthimo sya mũu;

Kwĩtetea kwenyu nĩ kwonzu* ta ngome sya yũmba.

14 Yo nĩĩlikĩlya mũisyonĩ kĩ*

Na ndiia thayũ wakwa mokonĩ makwa?

15 O na kau no ambũae, nĩka o kweteela;

Nĩka kwĩtetea* mbee wa ũthyũ wake.

16 Nĩvo ĩndĩ ũtwʼĩka ũtangĩĩo wakwa

Nĩkwĩthĩwa vai mũndũ ũtakĩaa Ngai* wĩsa kũka mbee wake.

17 Ĩthukĩĩsyei nesa ndeto syakwa;

Teai matũ mwĩwʼe kĩla ngũweta.

18 Sisyai, yu nĩnũmbanĩtye ĩkoani yakwa;

Nĩnĩsĩ nĩ ngalĩkonĩ ĩla ya wʼo.

20 Ame Ngai, mbĩke o maũndũ aa elĩ,*

Nĩ kana ndikevithe nume mbee waku:

21 Twaa kwʼoko kwaku kũito vaasa vyũ nakwa,

Na ndũkaeke wia ũla nĩthĩawa nawʼo ĩũlũ waku ũndelemye.

22 Mbĩte ngũsũngĩe,

Kana ũeke nĩneene, naku ũinzũngĩa.

24 Nĩkĩ ũvithaa ũthyũ waku

Na ũimbona ta nĩ mũmaitha waku?

25 We nũũtata kũtelemya ĩtũ yĩũlũkĩtwʼe nĩ kĩseve

Kana kũsembanyʼa mavuthĩ* momũ?

26 Nĩkwĩthĩwa ũtindĩaa kũandĩka maũndũ me ũũ ala ũnzikatĩe,

Na ũituma nzũngĩa kwondũ wa naĩ ila neekie nĩ wa mũika.

27 Nĩwĩkĩĩte maaũ makwa mbwaũnĩ sya kwoveea mũndũ,

Nũthianaa tũsĩla twakwa twʼonthe nesa,

Na nũatĩĩaa nesa kĩla ĩkinya ya ũnyaaĩ wa maaũ makwa.

28 Kwoou mũndũ* athelaa ta kĩndũ kyou,

Ta ngũa ĩĩtwe nĩ lungulu.*