Ọ Salọ Oghẹrẹ Uzuazọ nọ Ọ Gwọlọ Yeri

ỌMỌTẸ Fẹro họ ohwo nọ ọ kẹ Mosis odẹ riẹ, orọnikọ ọsẹgboni riẹ nọ a jọ ahwo Hibru hu. O se rie Mosis keme o wọhọ nọ otofa odẹ na họ “Siwi No Ame Ze.” Yọ ame o gine siwi ọmọ na no ze. O sae jọ nọ o je rẹro nọ Mosis ọ te jọ ohwo ologbo evaọ uvie Ijipti nọ o te te ohwo no. Ẹsejọhọ eva e were riẹ gaga nọ ọ ruẹ nọ a bi wuhrẹ iẹe evaọ isukulu nọ e mai kpehru evaọ Ijipti. Ebaibol ọ ta nọ: A “wuhrẹ Mosis ereghẹ Ijipti kpobi.”

Mosis ọ rro zihe ruọ uvi ọzae. Ebaibol na ọ ta nọ: “Evaọ uzẹme, eme riẹ i wo ẹgba yọ o ru ikpeware.” Ọ hae sae le efe gbe okpodẹ. Yọ ọ hẹ sai ru epanọ ọ rẹ rọ reakpọ kuoma evaọ Ijipti. Rekọ Mosis ọ riẹ nọ o te le eware yena, ọ te sae jọ ogbẹnyusu ọkpekpe Jihova ha. Fikiere, o gwọlọ nọ ọ rẹ jẹ okpiroro jọ: Eme ọ te rọ edẹ uzuazọ riẹ nọ i kiọkọ ru?

Okenọ Mosis ọ jọ ikpe udhuvẹ (40), o dhesẹ oware nọ ọ gwọlọ rọ uzuazọ riẹ ru via vevẹ. Ebaibol ọ ta nọ: “Fiki ẹrọwọ, nọ Mosis ọ rro te ohwo no, ọ rọwo nọ a sei ọmọzae ọmọtẹ Fẹro ho, ọ salọ nọ a rẹ lahiẹ iẹe kugbe ahwo Ọghẹnẹ ukpenọ o re wo omaweromẹ ubroke ọrọ uzioraha.” Emamọ oware ọ salọ na. Keme u dhesẹ nọ o wo ẹrọwọ, ọ tẹ jẹ gudu. Rekọ o ru eware jọ thọ evaọ oke yena.

Mosis o rri ahwo Izrẹl na nọ “inievo riẹ” a rrọ, fikiere ọ jẹ gwọlọ epanọ o re ro fiobọhọ kẹ enọ a je gboja kẹ. Ẹdẹ jọ, Mosis ọ tẹ nya re ọ ruẹ epanọ uye o be bẹ ahwo Izrẹl na te. Ọ tẹ ruẹ ohwo Ijipti jọ nọ o bi kpe ọrigbo Hibru jọ, yọ o sae jọ nọ ohwo Ijipti na yọ osu-iruo. Kọ o sae jọ nọ Mosis ọ ta kẹe nọ ọ seba? Ma riẹ hẹ. Oghẹrẹ kpobi nọ o jọ kẹhẹ, Mosis “o te rri tofẹ tofẹ,” ẹsejọhọ sọ ọ rẹ ruẹ ohwo jọ nọ ọ sai fiobọhọ kẹ ọrigbo na. Rekọ ọ ruẹ ohwo ọvo ho. Fikiere, Mosis ọ tẹ ta nọ o re tube fiobọhọ kẹ ọrigbo na. “O te kpe ohwo Ijipti na no.” Kọ o wo iroro nọ o re kpei no? Manikọ ofu ọ wọ riẹ bọwo hayo rọ oware fa ọzae na ga vi epanọ ọ gwọlọ ru? Ebaibol na ọ ta ha. Oghẹrẹ kpobi nọ o jọ kẹhẹ, Mosis ọ riẹ nọ o fi omariẹ họ uye no. Fikiere, o te nwo ẹkpẹ ruru ori na.

Okiokiọ riẹ nọ Mosis ọ jẹ nyavrẹ, ọ tẹ ruẹ erigbo Hibru ivẹ nọ e be họre. Ọ tẹ gwọlọ nọ o re kru rai. Rekọ ọrigbo nọ o ru thọ na ọ tẹ nọ Mosis enọ nọ e lẹliẹ ekpahe kpei. Ọ nọ riẹ nọ: “Ono ọ rehọ owhẹ mu osu gbe obruoziẹ kẹ omai? Kọ whọ gwọlọ kpe omẹ no epanọ who kpe ohwo Ijipti na?” Mosis ọ tẹ riẹ nọ oware nọ o ru na o bẹre via no. Ozọ u te mu ei gaga.

Eware e jẹ nya epanọ Mosis o rẹro ho. Eme Mosis o je rẹro riẹ? Ebaibol na ọ ta nọ: “O roro nọ inievo riẹ a ti vuhumu nọ Ọghẹnẹ ọ be rọ ẹkwoma riẹ siwi ae, rekọ a vuhu onana mu hu.” O wọhọ nọ Mosis o je roro nọ Ọghẹnẹ ọ salọ e riẹ no re o siwi ahwo Izrẹl no igbo Ijipti. Rekọ Mosis ọ riẹ hẹ inọ oke nọ Jihova ọ te rọ rehọ iẹe ru iruo yena u ri te he. Yọ o je roro nọ ahwo Izrẹl na a te jọ abọ riẹ. Rekọ a fievahọ ohwo Hibru nana nọ a jọ uwou ovie Ijipti yọrọ na ha.

Mosis o je roro nọ o te ohwo nọ o re si ahwo Jihova no igbo Ijipti no. Rekọ u wo eware jọ nọ o gbe ri ro te ere he. Yọ rọkẹ Ọghẹnẹ, o ri gine te he. Ginọ uzẹme nọ ọ gudu. Ọ tẹ jẹ goma. U te no ere no, “eme riẹ i wo ẹgba.” Rekọ u wo uruemu ọfa jọ nọ Jihova o rri ghaghae nọ Mosis o ri wo tere he, ọye họ ẹwolẹ. Ọ rọ okpakpa kpe ọzae Ijipti jọ no. U kri hi, Fẹro o te yo kpahe oware nọ o ru na.

Fẹro ọ tubẹ kẹ Mosis uvẹ re o gu ẹkẹ unu riẹ hẹ, ọ tẹ jẹ gwọlọ epanọ o re ro kpei no. Fikiere, Mosis ọ tẹ dhẹ no Ijipti. Ere o ro mu obonọ ọ riẹ ha họ ẹdhẹ kpohọ. Ọ dhẹ siọ efe, okpodẹ, gbe uzuazọ akpọriọ nọ o je yeri na kpobi ba. Ọ sai ru ere fikinọ ọ gudu. Ọ dhẹ siọ ahwo riẹ ba kpohọ ugbobọ ẹkwotọ Midian. Ere o ro zihe ruọ “ọrara nọ ọ be rria orẹwho ọfa.” Yọ ọ te jọ ẹkwotọ yena nọ ọ rẹ ya fia na ikpe buobu. Kọ ọ te sai zihe ruọ ohwo owowolẹ, nọ o wo omaurokpotọ wọhọ epanọ Jihova ọ gwọlọ? Ma te ruẹ.

Se iku Ebaibol na:

• Ọnyano 2:11-22

• Iruẹru Ikọ 7:22-29

• Ahwo Hibru 11:24-26

Onọ nọ a rẹ ta ẹme kpahe:

Eme gbe eme Mosis o ru ro dhesẹ nọ ọ gudu evaọ oke nana uzuazọ riẹ?

Gbẹ Kiẹ Kodo

1. 1. Eme a ruẹ evaọ ikuigbe nọ u dhesẹ nọ ahwo Izrẹl a ginẹ jọ igbo evaọ Ijipti wọhọ epanọ o rrọ Ebaibol na? (w20.03 30) Uwoho 1

   Uyo ra

   

   Courtesy Brooklyn Museum, gift of Theodora Wilbour

2. 2. Eme ọsẹgboni Mosis a wuhrẹ i rie? Kọ eme o sae jọ nọ a wuhrẹ i rie evaọ okenọ a ro wuhrẹ iẹe “ereghẹ Ijipti kpobi” na? (Iruẹru Ikọ 7:22; w02 6/15 10 ¶2-5)

   Uyo ra

3. 3. Ẹvẹ ahwo Ijipti a jẹ hai ro ki ahwo? Ẹvẹ o sae jọ nọ a rri rie okenọ Mosis o kpe ohwo Ijipti, o te si ei no họ ẹkpẹ, ukpenọ ọ rẹ bamu riẹ je ki ei ziezi? (it “Ijipti, Ohwo Ijipti” ¶28) Uwoho avọ 2

   Uyo ra

   

4. 4. Mosis ọ dhẹ kpobọ Midian. Oghẹrẹ vẹ ahwo Midian avọ ahwo Izrẹl a ro fi oma? (it “Midian” Ọrọ avọ 2 ¶1-2)

   Uyo ra

Roro Kpahe Eware nọ Who Wuhrẹ Noi Ze

• Nọ oware jọ o tẹ be lẹliẹ ofu mu owhẹ, ẹvẹ oriruo Mosis ọ sai ro fiobọhọ kẹ owhẹ kpọ ofu ra?

  Uyo ra

• Eme izoge a sai wuhrẹ mi Mosis nọ a tẹ be jiroro oware nọ a rẹ rọ uzuazọ rai ru? Uwoho avọ 3

  Uyo ra

  

• Oghẹrẹ ọfa vẹ whọ sae rọ rehọ aro kele Mosis gudu wọhọ epanọ ma ruẹ evaọ iku nana?

  Uyo ra

Roro Didi Kpahe Jihova avọ Oreva Riẹ

• Eme me wuhrẹ kpahe Jihova evaọ iku nana?

  Uyo ra

• Oghẹrẹ vẹ iku nana i ro dhesẹ eware nọ Jihova ọ gwọlọ ru via?

  Uyo ra

• Nọ a tẹ kpare Mosis ze no, enọ vẹ mẹ te nọe kpahe oghẹrẹ nọ uzuazọ riẹ o jọ evaọ okenọ ọ gbẹ maha?

  Uyo ra

Gbe Wuhrẹ Eware Efa

Rri epanọ ma sae rọ rehọ aro kele Mosis kpairoro vrẹ eware jọ re ma sai ru orọ Ọghẹnẹ.

Rọ Aro Kele Ahwo nọ A Wo Ẹrọwọ, Orọnọ Enọ I Wo Ẹrọwọ Họ Họ—Mosis, Orọnọ Fẹro Ho (2:27)

Mosis ọ kpairoro vrẹ efe re ọ sae gọ Jihova. Kọ yọ oware nọ ohwo ọ rẹ sai ru evaọ oke mai nana?

Salọ Iruo nọ E rẹ Kẹ Uzuazọ Ebẹdẹ Bẹdẹ (4:58)