Ebi A Ha Luẹ Bhi Obọle Nọnzi 10

Jehova hi Ojie ọsi ọrebhe. Ọle hi ọnọn mọn da gbẹloghe, sẹyẹ, ọle dẹ wo ha gbẹloghe khian. Bhi ọsi ijiẹmhin, ọle da hinmhin Jerimaya bhi udede uhio nan mun ọlẹn ọi. Ọle da hinmhin Shẹdrak, Mẹshak, bi Abẹdnigo bhi eranlẹn nan muno ele ọi, yẹ hinmhin Daniẹl bhi obọ ene oduman. Jehova da gbega Ẹsta beji ọle ha da sabọ hinmhin agbaẹbho nọnsọle. Ọle i da re otọ nin emhin ebe rẹ wo ha sunu khian. Ọne ọta-akhasẹ rẹji ọne amanzẹ bi ọne udede okporan, rẹkpa mhan rẹ lẹn ghe Agbejele nọnsi Osẹnobulua dẹ kẹ re ọkpẹnlẹn ọbhi emhin ebe rebhe, sẹyẹ, ọ dẹ ha gbẹloghe ọne otọ nan.