Emhin Kẹkẹ Ne Sunu Bhi Eji Mhan Da Nyẹnlẹn—Be Agbejele Nọnsi Osẹnobulua Ha Lu?

“Ọkhualulu nọn ki sunu bhi ije kẹkẹ wo si ọbalọ ji ẹbhọ, bi emhin ne nyẹnlẹn bhi ọne otọ nan. Okpa ahoho nọn ki wo ha khọ bhọ ranmhude ọne ọkhualulu wo dunmhun uwa a bhi ọne otọ agbọn nan rebhe. Ọ yẹ re ọle ha nọghọ ẹbho rẹ nyẹnlẹn bhi ọne otọ nan. Ẹkẹ ẹdẹ nin ehẹn da nyẹnlẹn bha yẹ fuọfuọ bii ọnikhẹ. Ọnan dẹ sabọ re emhin ne nyẹnlẹn bhi ẹkẹ ẹdẹ ha yuno.”—Ebi Inger Andersen, nin ọdiọn akọwe ọsi United Nations bi ọkpa bhi ene sun UN Environment Programme tale bhi Julai 25, 2023.

Ene gọvamẹnt dẹ be sabọ kuobọgbe ta ebe ele ha rẹ re ọkpẹnlẹn ọbhi ene emhin nan yẹ? Ele dẹ be sabọ re ọkpẹnlẹn ọbhi ene emhin nan kẹkẹ?

Baibo tẹmhọn ugbẹloghe nọn ha sabọ re ọkpẹnlẹn ọbhi emhin kẹkẹ ne sunu nẹga mhan. Ọ da yọle ghe, “Osẹnobulua nọn ribhi okhun ki mun ejele” la ugbẹloghe nọnsọle gbọ. Ọne ugbẹloghe dẹ re ọkpẹnlẹn ọbhi emhin ne i mhẹn ne sunu bhi ọne otọ nan. (Daniel 2:44) Bhi odotọ ọne ugbẹloghe, eria “iyẹ da ha si emhin ebe soso la si ugbele” ji eria nekẹle, la nin ele ha riia ọne otọ nan an.—Isaiah 11:9.