Ẹmhọn Egbe-danmhin—Be Agbejele Nọnsi Osẹnobulua Ha Lu?

“Ranmhude a bha yẹ ha ha-yo-ha-re ranmhude emianmhẹn KOVID-19 bha rẹman ghe, ọne emianmhẹn iyẹ ribhọ.. . . Ọkhẹke nin mhan ha mhọn ọlẹn bhi ọkhọle ghe, emianmhẹn ọbhebhe nọn sẹnian dẹ sabọ zegbere bhi ẹghe odalo, bhiriọ, ọkhẹke nin mhan muegbe khẹ ọle.”—Ebi Dr. Tedros Adhanom Ghebreyesus, nin ọdiọn ọsi World Health Organization tale bhi Mee 22, 2023.

Ranmhude emianmhẹn KOVID-19 nọn zegbere, ẹbho ne bunbun da wo ha khọnmhọn, sẹyẹ, uhọnmhọn ọsi eso bhọ bha yẹ gba. Ekhẹn gọvamẹnt bi ene dokitọ dẹ be muegbe khẹ emianmhẹn nọn ha kie zegbere? Ele dẹ be sabọ rẹkpa mhan bhi ọne idia nan nin mhan ye ẹlẹnan?

Baibo tẹmhọn ugbẹloghe nọn ha sabọ re egbe-danmhin ọsaje nin mhan. Ọ da yọle ghe, “Osẹnobulua nọn ribhi okhun ki mun ejele” la ugbẹloghe nọnsọle gbọ. (Daniel 2:44) Bhi odotọ ọne ugbẹloghe, “a ida miẹn ọnọn nyẹnlẹn bhi enin nọn ha yọle: ‘Imẹn khọnmhọn.’ ” (Isaiah 33:24) Ọrebhe ki ha mhọn egbe nọn danlẹn. Sẹyẹ, ele ki yẹ ha mhọn ahu beji ele dia bhi ẹghe nin ele rẹ ha yi usẹn.—Job 33:25.