Itan

6 Ọmọn nọnsẹmhẹn, ahamiẹn uwẹ mundia nin ọria rẹ mọnmọn igho,

La uwẹ deba ọria nin uwẹ bha lẹn gbe akovẹn,

 2 Sokpan nin uwẹ da kere ghe ive nin uwẹ vele,

Bi ọta nin uwẹ tale dẹ si ẹmhọn ji uwẹ,

 3 Ọmọn nọnsẹmhẹn lu ọnan nin uwẹ rẹ fan egbe ẹ fia:

Jẹje dọ bhii ibo ẹ, uwẹ ha yẹ degbere nanlẹn,

 4 Hẹi ji owe re uwẹ,

La nin owe ha sun uwẹ.

 5 Fan egbe ẹ fia bii uzo nọn nẹ nin ohuẹ,

Tin fia bii afianmhẹn nọn nẹ nin ọria nọn mun afianmhẹn.

 6 Uwẹ nọn i ho nọn re obọ lu, dọ fẹ ene ahihi ghe;

Gbẹlokotọ nin uwẹ daghe ebi ele rẹ lu emhin yẹ beji uwẹ ha da ha wanlan.

 7 Arẹmiẹn ele i mhọn ọwanlẹn nọn sun ele, la ọnọn gbẹloghe ele,

 8 Ele koko ebale nọnsele ya bhi ẹghe orọ, ẹghe nin ebale rẹ kpọ.

10 Nin mẹn nowẹ khere,

Nin mẹn khi abọ re ikeke sotọ khere,

11 Ọle ha re uwẹ kiẹn ọria nin obọ gbe,

Sẹyẹ, a bha miẹn rẹ lu ki de khuan uwẹ beji oyi rẹ de khuan ọria.

12 Okpia nọn lu emhin ebe, nin ọria oya, ọle bha ohoghe na bhi ijerebhe khian;

13 Ọle ki ha re ẹlo, oẹ, bi obọ rẹ talọ.*

14 Ọkhọ ebe ọle mhọnlẹn.

Ẹghe rebhe ọle rẹ mhanmhan emhin ebe nin ọle ha lu, sẹyẹ, ọ yẹẹ ọle rẹ ha si ozughu re.

15 Bhiriọ, osukpa emhin ebe ha rẹ ruan ọlẹn;

Osukpa a ha rẹ wo gbe ọle khuelo sẹsẹsẹ.

16 Emhin ehan ribhọ ne i yẹẹ Jehova;

Ehe, ikpemhin ihinlọn nin ọle hele:

17 Ele hi, ọria nọn hianbhegbe,* ọria nọn bha ohoghe, bi ọria nọn gbugbele,

18 Ọria nọn mhanmhan emhin ebe bhi ọkhọle, bi ọria nin okhian kẹ rẹ lu ọkhọlọ,

19 Ọria nọn sọsali ohoghe, nan i gbo miẹn ẹmhọanta bhi unun ọlẹn,

Bi ọria nọn si ẹmhọn re bhi ẹwẹ ibhio.

20 Ọmọn nọnsẹmhẹn, re obọ rẹkhan adia ọsi aba ẹ;

Hẹi re ẹlo gbe adia* ọsi inẹn ẹn an.

21 Ji ele ha ribhi ọkhọle nọnsẹ ẹghe rebhe;

Uwẹ ha yẹ sẹn ele bhi urulu bii ileghe.

22 Ọne uhi* dẹ dia uwẹ bhi eji uwẹ hi ki rẹ diọ i;

Ọ ki gbega uwẹ sade uwẹ nowẹ;

Sẹyẹ, uwẹ ha riọre, ọ ki man uwẹ emhin beji uwẹ ha da ha wanlan.

23 Orukpa ọne adia khin,

Ẹfua ọne uhi khin,

Sẹyẹ uhi nan gbe nin ọria dẹ sabọ re iẹnlẹn nanlẹn.

24 E dẹ gbega uwẹ bhi obọ ọne okhuo nọn i mhẹn,

E dẹ gbega uwẹ nin ọne okhuo nọn sankan an* hẹi re ọta nesọle rẹ lẹlẹ uwẹ ọbhi emhin ebe.

25 Hẹi ji ose nọnsọle na uwẹ bhi ẹlo

Hẹi ji ọ re ẹlo nọnsọle rẹ mun uwẹ bhi ẹmhọn.

26 Ranmhude, okpia nọn mun agbilẹ dẹ kiẹn ọria nin obọ gbele,*

Ọkpakinọn, okhuo ọria nọn dọ ne okpia ọbhebhe nowẹ, dẹ gbe ọne okpia nọn nanlẹn nowẹ uhọnmhọn.

29 Iriọ ọ yẹ dia rẹji ọria nọn hi ki rẹ khin nọn dọ ne okhuo ọria nowẹ;

Ọria i ribhọ nọn ha re obọ so ọne okhuo nọn i da loya bhọ.

30 Ahamiẹn ọria ranmhude ohanmhẹn nọn gbe ọle dọ ra

Ẹbho i da re obọ oya mun ọlẹn, sade ele miẹn ọlẹn mun.

31 Ọrẹyiriọ, ọle dẹ haosa ebi ọle ra le igba ihinlọn;

Ọle ki re emhin rebhe nin ọle mhọn bhi uwa rẹ haosa.

32 Ọria nọn hi ki rẹ khin nọn dọ ne okhuo ọria nowẹ, ẹwanlẹn i ri ọle bhi uhọnmhọn;

Ọria nọn hi ki rẹ khin nọn lu iriọ, ọle hi ọnọn tobọle gbe egbọle a.

33 Ọbalọ bi iregbebhunun ọle ha miẹn bhi egbe,

Sẹyẹ, ẹkhọle nin ọle ha miẹn bhọ ki ya rẹkhan ọlẹn.

34 Ranmhude ẹkẹ manman khọ okpia nin ọria ọbhebhe dọ ha ne okhuo ọle nowẹ;

Ọle i da mhọn itohan hiehie sade ọle miẹn ohu.

35 Emhin soso i ribhọ nin uwẹ ha rẹ gui nanlẹn;*

Uwẹ ha rẹ mun otọ bi okhun nanlẹn, ọle i da ka mun ẹmhọn fia.