Anyasị A Ga-echeta

SUNDAY, MARCH 23, 1997

N’ANYASỊ AHỤ tupu ọ nwụọ, Jisọs Kraịst guzobeere ndị na-eso ụzọ ya Ememe Ncheta nke ọnwụ ya. N’otu oge nri dị mfe nke o ji mmanya na achịcha na-ekoghị eko mee ihe dị ka ihe nnọchianya, Jisọs nyere iwu, sị: “Na-emenụ nke a ka unu wee na-echeta m.”—Luk 22:19.

Ndịàmà Jehova na-akpọ gị òkù n’ụzọ na-ekpo ọkụ isonyere ha n’icheta Ememe Ncheta a a na-eme kwa afọ. N’afọ a a ga-enwe ya mgbe anyanwụ dasịrị na Sunday, March 23, bụ́ ụbọchị kwekọrọ na Nisan 14 na kalenda Bible nke e ji ọnwa na-agụ. Biko chọpụta n’aka Ndịàmà Jehova nọ n’ógbè gị maka kpọmkwem ebe a ga-ezukọ na oge.