«Պատերազմների լուրեր կլսեք»

«Իմ կարիերայի ընթացքում, որը սկսվել է 1960-ականներից, աշխարհի տարբեր մասերում տեղի ունեցած ավելի քան 40 պատերազմ եմ լուսաբանել։ Ականատես եմ եղել, թե ինչպես է սառը պատերազմը իր գագաթնակետին հասնում, ապա անսպասելի դադարում։ Բայց 2025 թ. պես տագնապալից տարի երբեք չեմ տեսել. ոչ միայն այն պատճառով, որ մի քանի լուրջ հակամարտություններ են ընթանում, այլև այն պատճառով, որ գնալով պարզ է դառնում, որ դրանցից մեկը կարող է աննախադեպ աշխարհաքաղաքական հետևանքներ ունենալ» (Ջոն Սիմփսոն, BBC միջազգային գործերով խմբագիր, ընդգծումը մերն է)։

Մարդկանց մտահոգում են ամբողջ աշխարհում մոլեգնող պատերազմները։ Շատերին մի հարց է հետաքրքրում. «Իրավիճակը երբևէ դեպի լավը կփոխվի՞»։ Ի՞նչ է սովորեցրել Հիսուսը։

Ինչ է սովորեցրել Հիսուսը

Հիսուսը խոսել էր այն իրավիճակների մասին, որոնց մենք այսօր ականատես ենք լինում։ Նա իր հետևորդներին նախազգուշացրել էր. «Պատերազմների թնդյուն կհասնի ձեր ականջին, և պատերազմների լուրեր կլսեք» (Մատթեոս 24։6)։

Թեև ներկայիս պատերազմներն ու զինված հակամարտությունները խիստ մտահոգիչ են, սակայն մենք անհույս չենք։ Ի՞նչ հիմնավոր պատճառ ունենք այդպես ասելու։ Հիսուսը ասել է, որ լայնամասշտաբ պատերազմները այլ իրադարձությունների, վատ պայմանների ու մարդկանց վարքագծի փոփոխության հետ միասին «նշան» էին լինելու, որ «աշխարհի վախճանը» մոտ է (Մատթեոս 24։3; Ղուկաս 21։7)։ Դա նշանակում է, որ մի օր Հիսուսը վերջ է դնելու պատերազմներին, դրանք մնալու են անցյալի գրկում։ Ինչպե՞ս։

Ինչ է անելու Հիսուսը

Մոտ ապագայում Հիսուսը՝ Աստծու թագավորության թագավորը, «երկրով մեկ դադարեցնելու է պատերազմները» (Սաղմոս 46։9)։

Իսկ ինչպե՞ս է այդ խաղաղ ապագան իրականություն դառնալու, և ինչպիսի՞ն կլինի կյանքը այդ ժամանակ։ Այս հարցերի պատասխանները իմանալու համար կարդացեք «Ինչպե՞ս վերջ կդրվի պատերազմներին» հոդվածը։