Ժամանակ հատկացրեք Աստծու հետ մտերմանալու համար

Ձեր կյանքը կբարելավվի, եթե ժամանակ հատկացնեք Աստծուն ճանաչելու և նրա հետ մտերմանալու համար։ Այդպես անելով՝ կբավարարեք ձեր հոգևոր կարիքները։ Տեսնենք, թե Հիսուսը ինչ է սովորեցրել այս թեմայի վերաբերյալ։

Ինչ է սովորեցրել Հիսուսը

«Երջանիկ են նրանք, ովքեր գիտակցում են, որ հոգևոր կարիքներ ունեն» (Մատթեոս 5։3)։

• Բոլորս էլ ուզում ենք իմանալ հետևյալ հարցերի պատասխանները. «Ո՞րն է կյանքի իմաստը։ Ինչո՞ւ է կյանքը լի տառապանքով։ Ի՞նչ է լինում մահից հետո»։ Մեր երջանկությունը կախված է այս հարցերի պատասխաններն իմանալուց և մեր հոգևոր կարիքները բավարարելուց։

«Մարդ չպետք է միայն հացով ապրի, այլ պետք է ապրի նաև Եհովայիa բերանից դուրս եկող ամեն խոսքով» (Մատթեոս 4։4)։

• Ինչպես որ ֆիզիկական սննդի կարիք ունենք, այնպես էլ ունենք հոգևոր սննդի կարիք։ Հիսուսը հստակ նշեց, որ մեր հոգևոր քաղցը հագեցնելու համար պետք է կանոնավորաբար ուշադրություն դարձնենք Աստծու ասածներին։

«Քո խոսքը ճշմարտություն է» (Հովհաննես 17։17)։

• Հիսուսը ցույց տվեց, որ Աստված մեր հոգևոր կարիքները բավարարում է գլխավորաբար իր Խոսքի՝ Աստվածաշնչի միջոցով։

Հորդորում ենք ժամանակ հատկացնել Աստծու հետ մտերմանալու և ձեր հոգևոր կարիքները բավարարելու համար, որպեսզի մնայուն երջանկություն գտնեք։ Ահա մի քանի միջոցներ, որոնք կարող են օգտակար լինել այդ հարցում։

• Կարդացեք Աստվածաշունչը (անվճար է)։

• Սկսեք Աստվածաշնչի անվճար, ինտերակտիվ դասընթաց անհատական ուսուցչի օգնությամբ։