Ի՞նչ է ասում Աստվածաշունչը ամուրիության և ամուսնության մասին

Որոշ մշակույթներում տարածված կարծիք կա, որ չամուսնացած մարդիկ չեն կարող երջանիկ լինել։ Սակայն իրողությունն այն է, որ ոչ բոլոր ամուսնական զույգերն են երջանիկ, և ոչ բոլոր ամուրիներն են դժբախտ։ Աստվածաշնչի համաձայն՝ թե՛ ամուրիությունը, թե՛ ամուսնությունը Աստծուց տրված պարգևներ են։

1. Որո՞նք են ամուրիության առավելությունները

Աստվածաշնչում ասվում է. «Ով ամուսնանում է, լավ է անում, բայց ով չի ամուսնանում, ավելի լավ է անում» (կարդա 1 Կորնթացիներ 7։32, 33, 38)։ Ի՞նչ իմաստով է ամուրի անհատը «ավելի լավ անում»։ Ամուրիները կողակցի մասին հոգ տանելու պարտականություն չունեն, ուստի կարելի է ասել, որ նրանք ավելի ազատ են։ Դա ոմանց թույլ է տալիս ծառայության մեջ ավելին անել, օրինակ՝ քարոզելու նպատակով տեղափոխվել այլ երկիր։ Բայց ամենակարևորը՝ նրանք ավելի շատ ժամանակ են ունենում Եհովայի հետ իրենց մտերմությունն ամրացնելու համար։

2. Որո՞նք են օրինական ամուսնության առավելությունները

Ամուրիության պես՝ ամուսնությունն էլ ունի իր առավելությունները։ Աստվածաշնչում ասվում է, որ «երկուսով ավելի լավ է, քան մենակ» (Ժողովող 4։9)։ Սա հատկապես վերաբերում է այն քրիստոնյաներին, ովքեր ապրում են աստվածաշնչյան սկզբունքներով։ Օրինականորեն գրանցելով իրենց ամուսնությունը՝ զույգերը խոստանում են սիրել, փայփայել և հարգել միմյանց։ Այսպիսի զույգերը հաճախ ավելի ապահով են իրենց զգում, քան նրանք, ովքեր պարզապես իրար հետ են ապրում։ Օրինական ամուսնությունը նաև ապահով միջավայր է ստեղծում երեխաներ մեծացնելու համար։

3. Ինչպե՞ս է Եհովան վերաբերվում ամուսնությանը

Երբ Եհովան հիմնեց առաջին ամուսնությունը, ասաց. «Տղամարդը կթողնի իր հորն ու մորը և կմիանա իր կնոջը» (Ծննդոց 2։24)։ Եհովան ուզում է, որ ամուսինն ու կինը սիրեն իրար և ապրեն միասին, քանի դեռ մահը չի բաժանել նրանց։ Նա թույլ է տվել ամուսնալուծվել միայն կողակիցներից մեկի դավաճանության դեպքում։ Նման իրավիճակում Եհովան անմեղ կողմին իրավունք է տվել որոշելու՝ ամուսնալուծվել, թե ոչ (Մատթեոս 19։9)։a Ըստ Աստվածաշնչի՝ բազմամուսնությունը անընդունելի է քրիստոնյաների համար (1 Տիմոթեոս 3։2)։

ԻՄԱՆԱՆՔ ԱՎԵԼԻՆ

4. Ճիշտ օգտագործիր ամուրիության պարգևը

Հիսուսը ամուրիությունը պարգև էր համարում (Մատթեոս 19։11, 12)։ Կարդացեք Մատթեոս 4։23-ը, այնուհետև քննարկեք հետևյալ հարցը.

• Ամուրի լինելու շնորհիվ Հիսուսը իր Հորը ծառայելու և ուրիշներին օգնելու ի՞նչ հնարավորություններ ուներ։

Հիսուսի պես՝ քրիստոնյաները կարող են ճիշտ օգտագործել իրենց ամուրիության պարգևը և ուրախություն ստանալ։ Դիտեք ՏԵՍԱՆՅՈՒԹԸ և քննարկեք հաջորդող հարցը.

ՏԵՍԱՆՅՈՒԹ. «Հավատարիմ ամուրիներ» (3։11)

• Ի՞նչ հրաշալի հնարավորություններ են բացվում ամուրի քրիստոնյաների առաջ։

Գիտեի՞ր

Աստվածաշունչը ամուսնության համար նվազագույն տարիք չի սահմանում։ Բայց այն խրախուսում է սպասել, մինչև որ անցնի «երիտասարդության ծաղկունքի շրջանը», քանի որ այդ ժամանակ ուժգին սեռական ցանկությունները կարող են մթագնել սթափ դատողությունը (1 Կորնթացիներ 7։36)։

5. Կողակցի ընտրության հարցում իմաստուն եղիր

Կողակցի ընտրությունը կյանքի ամենակարևոր որոշումներից մեկն է։ Կարդացեք Մատթեոս 19։4-6, 9 համարները և քննարկեք հետևյալ հարցը.

• Քրիստոնյան ինչո՞ւ չպետք է շտապի ամուսնանալ։

Աստվածաշունչը կօգնի քեզ հասկանալ, թե որ հատկանիշներին ուշադրություն դարձնես կողակից ընտրելիս։ Ամենակարևորը՝ փնտրիր այնպիսի կողակից, ով սիրում է Եհովային։b Կարդացեք 1 Կորնթացիներ 7։39-ը և 2 Կորնթացիներ 6։14-ը, այնուհետև քննարկեք հետևյալ հարցերը.

• Ինչո՞ւ պետք է միայն մեր հավատակիցներից կողակից ընտրենք։

• Եհովան ի՞նչ կզգա, եթե ամուսնանանք այնպիսի մարդու հետ, ով չի սիրում իրեն։

6. Ամուսնության վերաբերյալ ունեցիր Եհովայի տեսակետը

Հին Իսրայելում ոմանք, շարժվելով իրենց քմահաճույքներով, ամուսնալուծվում էին իրենց կանանցից։ Կարդացեք Մաղաքիա 2։13, 14, 16 համարները և քննարկեք այս հարցը.

• Ինչո՞ւ է Եհովան ատում աստվածաշնչյան հիմք չունեցող ամուսնալուծությունը։

Դիտեք ՏԵՍԱՆՅՈՒԹԸ, այնուհետև քննարկեք հաջորդող հարցը.

ՏԵՍԱՆՅՈՒԹ. «Ամուսնությունը հարատև միություն է» (4։30)

• Եթե ամուսնացած ես Եհովային չպաշտող մարդու հետ, ի՞նչ կարող ես անել, որ ձեր միությունը երջանիկ լինի։

7. Հետևիր ամուսնության վերաբերյալ Եհովայի չափանիշներին

ՏԵՍԱՆՅՈՒԹ. «Դու կարո՛ղ ես հետևել ամուսնության վերաբերյալ Եհովայի չափանիշներին» (4։14)

Կարդացեք Եբրայեցիներ 13։4-ը և քննարկեք հետևյալ հարցերը.

• Ամուսնության վերաբերյալ Եհովայի չափանիշները խելամի՞տ ես համարում։ Ինչո՞ւ։

Եհովան ուզում է, որ քրիստոնյաները, տեղի իշխանությունների սահմանած կարգի համաձայն, գրանցեն թե՛ ամուսնությունը, թե՛ ամուսնալուծությունը։ Կարդացեք Տիտոս 3։1-ը, այնուհետև քննարկեք հետևյալ հարցը.

• Եթե ամուսնացած ես, ձեր միությունը գրանցվա՞ծ է պետական օրենքների համաձայն։

ԱՄՓՈՓՈՒՄ

Թե՛ ամուրիությունը, թե՛ ամուսնությունը պարգև են Եհովայից։ Երկուսն էլ կարող են ուրախություն բերել, եթե մարդն ապրի Եհովայի կամքին ներդաշնակ։

Վերհիշենք

• Անհատն ինչպե՞ս կարող է ճիշտ օգտագործել իր ամուրիության պարգևը։

• Աստվածաշնչում ինչո՞ւ է ասվում, որ պետք է ամուսնանալ միայն Եհովայի ծառայի հետ։

• Ո՞րն է ամուսնալուծության միակ աստվածաշնչյան հիմքը։

ԲԱՑԱՀԱՅՏԻՐ ԱՎԵԼԻՆ

Ի՞նչ է նշանակում ամուսնանալ «միայն Տիրոջ հետևորդի հետ»։

«Ընթերցողների հարցերը» («Դիտարան», 2004, հուլիսի 1)

Տես, թե ինչը կօգնի քեզ ճիշտ որոշումներ կայացնել մտերմություն անելու և ամուսնության հետ կապված։

«Պատրաստվել ամուսնության» (11։53)

Իմացիր, թե մի եղբայր ինչու է կարծում, որ Եհովայի տված օրհնությունները ավելի արժեքավոր են, քան այն, ինչ նա թողել է հետևում։

«Հույս ունեի, որ նա կընդունի ճշմարտությունը» (1։56)

Ի՞նչ հարցեր պետք է հաշվի առնել նախքան ամուսնալուծության կամ անջատ ապրելու մասին մտածելը։

«Պատվական համարիր այն, ինչ «Աստված միավորեց մեկ լծի տակ»» («Դիտարան», 2018, դեկտեմբեր)