Ո՞վ է ճշմարիտ Աստված

Մարդիկ իրենց գոյության գրեթե ողջ ընթացքում պաշտել են շատ աստվածների և աստվածուհիների։ Սակայն Աստվածաշունչն ասում է, որ կա մեկ ճշմարիտ Աստված, ով «մյուս բոլոր աստվածներից մեծ է» (2 Տարեգրություն 2։5)։ Ո՞վ է այդ Աստվածը։ Ի՞նչն է նրան ավելի մեծ դարձնում մյուս բոլոր աստվածներից, որոնց պաշտում են մարդիկ։ Այս դասում կիմանաս, թե ինչ է Աստված հայտնում քեզ իր մասին։

1. Ի՞նչ է Աստծու անունը, և ի՞նչն է ցույց տալիս, որ նա ուզում է՝ իմանանք այն

Աստվածաշնչում Աստված ներկայանում է մեզ՝ ասելով. «Ես Եհովան եմ։ Սա է իմ անունը» (կարդա Եսայիա 42։5, 8)։ Շատ աստվածաշնչագետների կարծիքով՝ «Եհովա» անունը եբրայերենում նշանակում է «նա դարձնում է»։ Եհովան ուզում է, որ իմանանք իր անունը (Ելք 3։15)։ Ինչո՞ւ ենք համոզված դրանում։ Նա հոգ է տարել, որ Աստվածաշնչում իր անունը գրվի ավելի քան 7 000 անգամ։a «Եհովա» անունը պատկանում է նրան, ով «ճշմարիտ Աստվածն է վերևում՝ երկնքում, ու ներքևում՝ երկրի վրա» (2 Օրենք 4։39)։

2. Աստվածաշունչը ի՞նչ է հայտնում Եհովայի մասին

Աստվածաշնչում ասվում է, որ թեև մարդիկ շատ աստվածների են պաշտում, սակայն միակ ճշմարիտ Աստվածը Եհովան է։ Ինչո՞ւ։ Պատճառները մի քանիսն են։ Նա գերագույն իշխանություն ունի և «ամբողջ երկրին տիրող միակ Բարձրյալն է» (կարդա Սաղմոս 83։18)։ Նա նաև «Ամենակարողն» է, ինչը նշանակում է, որ ի զորու է անելու այն, ինչ ցանկանում է։ Եհովան է «ստեղծել բոլոր բաները»՝ թե՛ ողջ տիեզերքը, թե՛ կյանքը երկրի վրա (Հայտնություն 4։8, 11)։ Եհովան միակն է, ով միշտ գոյություն է ունեցել և գոյություն կունենա հավիտյան (Սաղմոս 90։2)։

3. Աստված ունի շատ տիտղոսներ, բայց մեկ անուն

Անվան և տիտղոսի միջև տարբերությունը հասկանալու համար դիտեք ՏԵՍԱՆՅՈՒԹԸ, ապա քննարկեք հետևյալ հարցը.

ՏԵՍԱՆՅՈՒԹ. «Շատ տիտղոսներ, բայց մեկ անուն» (0։41)

• Ո՞րն է անվան և տիտղոսի (օրինակ՝ Տեր) տարբերությունը։

Աստվածաշնչում ասվում է, որ մարդիկ շատ աստվածների ու տերերի են պաշտում։ Կարդացեք Սաղմոս 136։1-3-ը և քննարկեք հետևյալ հարցը.

• Ո՞վ է «աստվածների Աստվածը» և «տերերի Տերը»։

4. Եհովան ուզում է, որ իմանաս ու գործածես իր անունը

ՏԵՍԱՆՅՈՒԹ. «Աստված անուն ունի՞» (հատված, 3։11)

• Քո կարծիքով՝ Եհովան ուզո՞ւմ է, որ մարդիկ իմանան իր անունը։ Ինչո՞ւ։

Եհովան ուզում է, որ մարդիկ գործածեն իր անունը։ Կարդացեք Հռոմեացիներ 10։13-ը, այնուհետև քննարկեք հետևյալ հարցերը.

• Ինչո՞ւ է կարևոր գործածել «Եհովա» անունը։

• Ի՞նչ ես զգում, երբ ինչ-որ մեկը հիշում է քո անունը և քեզ անունով է դիմում։

• Քո կարծիքով՝ Եհովան ի՞նչ է զգում, երբ գործածում ես իր անունը։

5. Եհովան ուզում է, որ մտերմանաս իր հետ

ՏԵՍԱՆՅՈՒԹ. «Փնտրում էի ճշմարիտ Աստծուն» (8։18)

• Աստծու անունը իմանալը ինչպե՞ս անդրադարձավ Սոթենի վրա։

Ինչ-որ մեկի հետ ընկերություն անելու համար նախ պետք է նրա անունն իմանաս։ Կարդացեք Հակոբոս 4։8 համարի առաջին մասը և քննարկեք հետևյալ հարցերը.

• Եհովան ի՞նչ հրավեր է ուղղում քեզ։

• Աստծու անունն իմանալն ու գործածելը ինչպե՞ս կօգնի քեզ ավելի մտերմանալ նրա հետ։

ԱՄՓՈՓՈՒՄ

Միակ ճշմարիտ Աստծու անունը Եհովա է։ Նա ուզում է՝ իմանանք և գործածենք իր անունը, որ մտերմանանք իր հետ։

Վերհիշենք

• Ինչո՞վ է Եհովան տարբերվում մյուս բոլոր աստվածներից, որոնց մարդիկ պաշտում են։

• Ինչո՞ւ պետք է գործածենք Աստծու անունը։

• Ինչի՞ց է երևում, որ Աստված ուզում է՝ մտերմանաս իր հետ։

ԲԱՑԱՀԱՅՏԻՐ ԱՎԵԼԻՆ

Ուսումնասիրիր Աստծու գոյության մասին վկայող հինգ համոզիչ փաստարկ։

«Գոյություն ունի՞ Աստված» (վեբ հոդված)

Տես, թե ինչու է տրամաբանական, որ Աստված միշտ գոյություն է ունեցել։

«Ո՞վ է ստեղծել Աստծուն» («Դիտարան», 2014, օգոստոսի 1)

Իմացիր, թե ինչու պետք է գործածենք Աստծու անունը, թեև հայտնի չէ դրա ճշգրիտ արտասանությունը։

«Ո՞վ է Եհովան» (վեբ հոդված)

Նշանակություն ունի՞, թե ինչպես ենք դիմում Աստծուն։ Տես, թե ինչու կարող ենք ասել, որ նա միայն մեկ անուն ունի։

«Քանի՞ անուն ունի Աստված» (վեբ հոդված)