Puas Txhaum Muaj Niam Hlob Niam Yau?

Phau Vajlugkub qhia li no

Yav thaum ub muaj ib ntus uas Vajtswv cia cov txivneej muaj niam hlob niam yau. (Chivkeeb 4:19; 16:1-4; 29:18-29) Tiamsis kev yuav niam hlob niam yau tsis yog Vajtswv lub ntsiab thaum chiv thawj. Vajtswv tsuas pub ib tug pojniam rau Adas xwb.

Thaum Yexus Khetos nyob hauv ntiajteb nws rov rhawv txojcai uas tsuas pub muaj ib tug txij nkawm li Vajtswv tau npaj tseg thaum ntuj tsim teb raug. (Yauhas 8:28) Thaum muaj neeg nug Yexus txog kev txij nkawm, nws teb hais tias: “Thaum chivkeeb Vajtswv tau tsim txivneej thiab pojniam los? Thiab hais tias, ‘Twb yog vim li no tus tub thiaj tso nws niam nws txiv tseg, thiab mus nrog nws tus pojniam nyob, nkawd yuav koom ua ib lub cev.’”​—Mathais 19:4, 5.

Tom qab no, Vajtswv tau tshoov Yexus ib tug thwjtim sau hais tias: “Tsimnyog txhua tus txivneej nyias muaj nyias ib tug pojniam, thiab txhua tus pojniam nyias muaj nyias ib tug txiv.” (1 Kauleethaus 7:2) Tsis tas li ntawd, phau Vajlugkub kuj qhia hais tias cov txivneej uas tuav haujlwm hauv lub koom txoos yuav tsum “muaj ib tug pojniam xwb.”​—1 Timautes 3:2, 12.