Vajtswv Puas Pom Zoo Rau Tej Txij Nkawm Sib Nrauj?

Phau Vajlugkub qhia li no

Nyob hauv phau Vajlugkub yeej tso cai rau tej txij nkawm sib nrauj. Tiam sis Yexus hais tias tsuas muaj tib txoj hau kev uas thiaj nrauj tau xwb, nws hais li no: “Yog leej twg tus poj niam tsis tau ua plees ua yi es nws cia li muab nrauj tseg mus yuav dua lwm tus ces twb yog nws ua kev nkauj kev nraug ntag.”—Mathais 19:9.

Yog tias peb lam muab peb tus txij nkawm nrauj tsis raws cai Vajtswv yuav tsis pom zoo. Thaum peb tus txij nkawm ua tau qho yam yuam ke me ntswb me ntsis xwb ces peb cia li muab nrauj lawm Vajtswv yuav suav lub txim rau peb ris.—Malakis 2:13-16; Malakaus 10:9.