Jehobah Ya Ceci Yusuf

41:9-13, 16, 29-32, 38-40

Yusuf ya yi wajen shekara 13 a matsayin bawa da kuma fursuna kafin Jehobah ya cece shi. Maimakon ya yi fushi, ya koyi abubuwa masu kyau daga abin da ya faru da shi. (Za 105:​17-19) Ya san cewa Jehobah bai yashe shi ba. Waɗanne abubuwa masu kyau ne Yusuf ya yi a yanayinsa?

• 

  Ya yi aiki da ƙwazo kuma ya nuna cewa shi mai gaskiya ne, shi ya sa Jehobah ya albarkace shi.​—Fa 39:​21, 22

• 

  Ya yi wa mutane alheri maimakon ya rama muguntar da aka masa.​—Fa 40:​5-7

Ta yaya labarin Yusuf zai taimaka min in jimre matsalolina?

Kafin Jehobah ya cece ni a Armageddon, waɗanne abubuwa masu kyau zan riƙa yi duk da matsalolina?