Ka Sa Bautar Jehobah Farko Kamar Yadda Manayen Ya Yi

Manayen yana ɗaya daga cikin waɗanda suka yi ja-goranci a ikilisiyar Antakiya a ƙarni na farko. Manayen ya yi “karatu tare da Hirudus mai mulkin yanki.” (A. M. 13:1) Saboda haka, Manayen ya yi karatu sosai, kuma mai yiwuwa ya yi girma a iyalin da suke da arziki.

Duk da haka, Manayen ya zama Krista kuma ya taimaka a ikilisiya. Bai yi amfani da karatunsa don ya amfani kansa ba. A maimakon haka, ya yi aiki tuƙuru don ya taimaka a ikilisiya.

Labarin Manayen ya nuna mana cewa, bauta wa Jehobah ne ya fi muhimmanci fiye da neman suna da kayan duniya. Kamar Manayen, mu ma zai dace mu sa ayyukan ibada farko a rayuwarmu fiye da neman suna da kuma kayan duniya. (Mat. 6:33) Ƙari ga haka, ko da muna ganin cewa yin karatu yana da kyau, zai dace mu zaɓi “abin da ya fi kyau,” kuma kada mu bar neman abin duniya ya shafi bautarmu ga Jehobah.—Filib. 1:​9, 10.