Tambayoyi Daga Masu Karatu

Kolossiyawa 1:16 ta ce game da Ɗan Allah “dukan abu ta wurinsa an halitta su, dominsa kuma.” A wane azanci ne aka halicci dukan abu ‘domin’ Ɗan Allah, Yesu?

Jehovah ya yi amfani da Ɗansa makaɗaici gwanin aiki wajen halittar dukan abu, wato, dukan abu ban da Yesu kansa. (Misalai 8:27-30; Yohanna 1:3) Daidai, Ɗan yana jin daɗin waɗannan ayyukan, a wannan azanci kuwa “dominsa” ne.

Mun sani cewa iyaye suna tsammanin farin ciki, kuma sau da yawa suna samu, daga abin da suka haifa—’ya’yansu. Da haka, misalai na Littafi Mai Tsarki ya yi maganar “ɗan da [ubansa] ya ke jin daɗinsa.” (Misalai 3:12; 29:17) Hakanan ma, Jehovah Allah ya ji daɗin Isra’ila lokacin da mutanensa suke da aminci. (Zabura 44:3; 119:108; 147:11) Yana jin daɗin amincin amintattunsa zuwa lokacinmu.—Misalai 12:22; Ibraniyawa 10:38.

Da haka, ya dace da Allah zai so abokin aikinsa Yesu ya ji daɗin ayyukansa. Hakika, Misalai 8:31 ta ce Ɗan ‘yana farin ciki cikin wuraren zama na duniyarsa, daularsa tana wurin ’yan Adam.’ A wannan azanci ne Kolossiyawa 1:16 ta ce: “Dukan abu ta wurinsa an halitta su, dominsa kuma.” (Tafiyar tsutsa tamu ce).