Ninki Engencho y’Ogotesoanania ase Amang’ana y’Ense?

Yeso akaorokoreria abatunyani baye ng’a barobwo tibabwenereti koba “ab’ense.” (Yohana 15:19) Gotaba ab’ense engencho yaye—ogotesoanania ase siasa na chisegi. Goteba ekeene, teri aororo botambe gotesoanania ase amang’ana y’ense. Abanto nabo baratochecherie ase engencho y’ogotesoanania ase amang’ana y’ense. Inaki toragenderere gotesoanania ase amang’ana y’ense na kogenderera koba abegenwa ase Yehova Nyasae?

1. Inaki Abakristo b’ekeene bakorora chiserikari chia mwanyabanto?

Abakristo nigo basigete eserikari. Nigo togokora buna Yeso atebete “ebire bia Kaisari, moe Kaisari”—engencho yaye, nigo tokoigwera amachiko y’ense buna ogoakana ebango. (Mariko 12:17) Ebibilia nigo ekworokereria ng’a chiserekari chia mwanyabanto nigo chikogamba ase engencho Yehova nere onchiancherete chigambe. (Abarumi 13:1) Igo nigo tomanyete ng’a chiserekari chia mwanyabanto nigo nchibwate okobua ogoke kobua okwa Nyasae. Nigo tosemeretie Nyasae oito n’Oboruoti bwaye bwa Igoro gokoora emechando yonsi ya mwanyabanto.

2. Inaki toraorokie ng’a titori gwesoanania ase amang’ana y’ense?

Buna Yeso titori gwesoanania ase siasa. Ekero abanto baroche egekone ekemo gati ya biria Yeso akorete, bagatema komobeka abe omoruoti obo ase ense, korende ere tabancherete gokora bo. (Yohana 6:15) Naseki? Ase engencho, nigo atebete, “Oboruoti bwane tibori obw’ense eye.” (Yohana 18:36) Buna abaorokigwa ba Yeso nigo tokworokia ogotesoanania gwaito ase amang’ana y’ense ase chinchera chinyinge. Ase omobwekano, titorikorwana esegi. (Soma Mika 4:3.) Nigo tosigete ebimanyererio bi’ense—buna chibandera—korende titori gochisasima. (1 Yohana 5:21) Titorikoa okoboko gose kwamereria ekiama kende gionsi gia siasa gose omorwanereria o siasa. Goetera chinchera echi na echinde chinyinge, nigo tokworokia ng’a ntore abegenwa kegima ase eserekari ya Nyasae—Oboruoti bwaye.

EGERA AMANGE

3. Abakristo b’ekeene tibari gwesoanania ase amang’ana y’ense

Yeso na abatunyani baye bagatotigera ekiorokererio ekiya. Soma Abarumi 13:1, 5-7 na 1 Petero 2:13, 14. Boigo, orokia EVIDIO na mokwanere riborio rikobwatia.

EVIDIO: Abakristo b’Ekeene Tibari Gwesoanania Ase Amang’ana y’Ense—Ensemo 1 (4:28)

• Naseki tobwenerete gosika chiserekari chia mwanyabanto?

• Nase nchera ki chinde toraorokie ng’a ngochiigwera tore?

Ekero gie chisegi, chinse chinde nabo chigoteba tichirigwesoanania ase ensemo ende yonsi, korende barua obokoonyi gochia ase abarwani. Ninki engencho y’ogotesoanania ase amang’ana y’ense? Soma Yohana 17:16. Boigo, orokia EVIDIO na mokwanere riborio rikobwatia.

EVIDIO: Abakristo b’Ekeene Tibari Gwesoanania Ase Amang’ana y’Ense—Ensemo 2 (3:11)

• Ninki engencho y’ogotesoanania ase amang’ana y’ense?

Esarekari eraisa kogosaba okore egento kere mamincha y’amachiko a Nyasae, ninki obwenerete gokora? Soma Ogokora kw’abatomwa 5:28, 29. Boigo, orokia EVIDIO na mokwanere amaborio akobwatia.

EVIDIO: Abakristo b’Ekeene Tibari Gwesoanania Ase Amang’ana y’Ense—Ensemo 3 (1:18)

• Ogochika kwa mwanyabanto koraisa kwamererania na ogochika kwa Nyasae, nkochika ki tobwenerete koigwera?

• Nonyare korengereria ngaki ende yonsi eyio Abakristo bataigwere eserekari ya mwanyabanto?

4. Kabe oyotari gwesoanania na amang’ana y’ense ase ebirengererio na ogokora

Soma 1 Yohana 5:21. Boigo, orokia EVIDIO na mokwanere amaborio akobwatia.

EVIDIO: Naseki Abakristo b’Ekeene Baganetie Oboremu Erio Gotesoanania ase Amang’ana y’Ense? (2:49)

• Ase evidio, naseki Ayenge achorete gotasoa ase ekiama gia siasa gose gochengera emeyega y’ense, buna goterera ebendera?

• Inee, okorengereria nachorete ase obong’aini?

Mbinto ki binde birateme ogotesoanania gwaito ase amang’ana y’ense? Orokia EVIDIO, na mokwanere amaborio akobwatia.

EVIDIO: Amasomo Korwa Ase Mnara wa Mlinzi—Genderera Gotesoanania ase Amang’ana y’Ense ase Ense Ebagaine (5:16)

• Inaki toragenderere gotesoanania ase ensemo ende yonsi ekero giechigosori chinene chi’ense engima?

• Inaki toragenderere gotesoanania ase nsemo ende yonsi neba abanasiasa batokoroeire bobe gose buya?

• Ninki keratobere toraisa koba aba togotegerera, korigereria amang’ana igoro ya siasa gose gosanga n’abanto abwo banchete gokwana mono igoro ya siasa?

ASE OBWENG’E

Abakristo b’ekeene tibari gwesoanania ase amang’ana y’ense na siasa goetera ebirengererio, amang’ana na ogokora.

Einyorie

• Ninki tobwenerete tokorere chiserekari chia mwanyabanto?

• Naseki totari gwesoanania ase siasa?

• Mbinto ki birateme ogotesoanania gwaito ase amang’ana y’ense?

TUKA MONO

Mbinto ki toranyare gotiga erinde titoesoanania ase amang’ana y’ense?

Yehova Tanya Gototiga (3:14)

Ninki chinka chirakore erinde kwearegania ase amatemu y’ogotesoanania kwabo ase amang’ana y’ense?

Genderera Gotesoanania ase Amang’ana y’Ense Ekero ki’Emeyega (4:25)

Naseki kwegerera ense yaye gotari ogosika okonene omonto aranyore?

“Ase Nyasae Onsi Nigo Akonyarekana” (5:19)

Rora buna toratigare totari ab’ense ekero togokora ogochora igoro y’okorikwa emeremo.

“Kera Omonto Nebogorerie Egurube Yaye Omonyene” (Mnara wa Mlinzi, Machi 15, 2006)