Buna Orabamanye Abakristo b’Ekeene

Abanto abange nigo bagoteba ng’a barabwo n’Abakristo. Korende tibari gosanga okwegena okomo gose tibamenyeti ase ebirengo ebimo. Igo bono naki torabamanye Abakristo b’ekeene?

1. Ninki engencho y’okoba Omokristo?

Abakristo naborokigwa, gose abatunyani, ba Yeso Kristo. (Soma Ogokora kw’abatomwa 11:26.) Naki bakoenekia ng’a barobwo naborokigwa ba Yeso? Yeso agateba: “Komoramenye ase ring’ana riane, nigo more aborokigwa bane b’ekeene.” (Yohana 8:31) Engencho yaye Abakristo b’ekeene goika baigwere amaorokererio a Yeso. Botambe Yeso nigo arenge kworokereria aria Ebibilia egoteba, abwo bakomotunyana bono ase ekeene, nigo bagokora buna arenge gokora.—Soma Luka 24:27.

2. Inaki Abakristo b’ekeene bakworokia obwanchani?

Yeso akabatebia abatunyani baye: “Mwanchane buna nabanchete inwe.” (Yohana 15:12) Naki Yeso aorogetie ng’a nabanchete aborokigwa baye? Nigo atumiete chingaki nabwo, akabasegeta, na kobakoonya. Naende akarua obogima bwaye ase engencho yabo. (1 Yohana 3:16) Boigo, Abakristo b’ekeene nigo bagokora amange komenta na gokwana igoro y’obwanchani. Nigo bakoorokia goetera amang’ana na amakora abo ng’a mbanchaine.

3. Omoremo okoira chingaki chinyinge ase Abakristo b’ekeene norori?

Yeso akabaa aborokigwa baye emeremo yogokora. “Akabatoma korandia oboruoti bwa Nyasae.” (Luka 9:2) Abakristo beritang’ani bakarandia, tari ase chinsemo chiabo chi’ogosasimera oka, korende ase abanto abange bagotoka buna chichiro, na ase chinyomba chi’abanto. (Soma Ogokora 5:42; 17:17.) Boigo, rero Abakristo b’ekeene nkorandia bare ekeene gi’Ebibilia ande onsi ase abanto bagotoka. Ase engencho banchete chiamate chiabo, igo nigo bakogokera gotumea chingaki na chinguru chiabo erio gosanga amang’ana y’ogosemeria na y’okoremia agotoka ase Ebibilia.—Mariko 12:31.

EGERA AMANGE

4. Nigo bakorigia ekeene ki’Ebibilia

Tari bonsi bakweroka Abakristo banchete ekeene ki’Ebibilia. Orokia EVIDIO, na mokwanere riborio rikobwatia.

EVIDIO: Buna Obokristo Bwaotoranetwe (5:11)

• Gati yechikanisa chikorokwa chi’Egekristo naki chiasinyirwe kworokereria aria Yeso aorokereretie?

Yeso nigo arenge kworokereria ekeene korwa ase Ring’ana ria Nyasae. Soma Yohana 18:37, na mokwanere riborio eri:

• Koreng’ana na Yeso, naki torabamanye Abakristo abwo bare “ase ekeene”?

5. Nigo bakorandia ekeene ki’Ebibilia

Nyuma Yeso ataratira gochia igoro, akabaa abatunyani baye emeremo y’ogokora, eyio egendererete gokorwa goika rero. Soma Matayo 28:19, 20 na Ogokora kw’abatomwa 1:8, na mokwanere riborio eri:

• Ngoika ririri na mbaka arari emeremo y’okorandia yabwenerete gokorwa?

6. Nigo bagokora koreng’ana naria bakorandia

Ninki kiaenekeretie omosacha oyomo okorokwa Tom, ng’a onyorire Abakristo b’ekeene? Orokia EVIDIO, na mokwanere amaborio akobwatia.

EVIDIO: Ngatiga Kobwaterana n’Edini (5:20)

• Ase evidio ninki kiagerete Tom agatiga kobwaterana n’edini?

• Ninki gekomoenekeria ng’a onyorire ekeene?

Amakora nigo abwate chinguru kobua amang’ana. Soma Matayo 7:21, na mokwanere riborio eri:

• Ninki kere ki’engencho ase Yeso—naria togoteba twegenete gose naria tokoenekia goetera ogokora?

7. Nigo banchaine

Inee, Abakristo banyakobeka obogima bwabo ase akong’u ase engencho ya Abakristo bamwabo? Orokia EVIDIO, na mokwanere amaborio akobwatia.

EVIDIO: Akerua Gokwa (2:55)

• Ase evidio, ninki giasegete Lloyd kobeka obogima bwaye ase akong’u erio komorenda Johansson?

• Inee, okorengereria nakorete buna Omokristo bw’ekeene?

• Naki abaorokigwa ba Yeso (Abakristo b’ekeene) babwenerete gokorera abanto b’egesaku gose ense ende?

• Naki barabaorokie obwanchani ekero gie chisegi?

ASE OBWENG’E

Abakristo b’ekeene nigo bakobwatia amaorokererio y’Ebibilia, nigo banchaine na korandia ekeene gi’Ebibilia.

Einyorie

• Oboroso bw’okwegena kwa Abakristo b’ekeene mborobi?

• Embwa ekomanyekania Abakristo b’ekeene nereri?

• Emeremo Abakristo b’ekeene bagokora nereri?

TUKA MONO

Egera amange igoro y’egekundi ki’abanto ekio giatemire mono kobwatia omobwekano na amaorokererio a Yeso Kristo.

Birori ba Yehova—Intwe Mbarabi? (1:13)

Rora ekio kiaraete oy’okabeire omosisita o Katoliki konyora “enka ya kemoika y’ekeene.”

“Bagatumea Ebibilia Koiraneria Amaborio Ane Onsi!” (Mnara wa Mlinzi, Aprili 1, 2014)

Egera buna Abakristo b’ekeene bakworokia obwanchani ase abasasimi bamwabo abwo baganetie obokoonyi.

Kobakoonya Bamura Baminto Engaki y’Omobasokano—Ekeng’ese (3:57)

Ringoria buna Abakristo b’ekeene ba rero bagokora ebinto bibwekaine na biria Abakristo beritang’ani bakorete, ebio Yeso atebete biramanyekanie abatunyani baye.

“Ebimanyererio bi’Obokristo bw’Ekeene Mbiribi?” (Mnara wa Mlinzi, Machi 1, 2012)