Naayinɛ Fabeli Gɔɔnɔ Yele La Wani?

Nɛresɛba n de gɔɔnɔ paɛ wuu tusa tusa 70 tingɔŋɔ wa za’a poan. Gɔɔnɔ yetɔɣum gaŋɛ 200 mɛ. Nimbaalega la dela, nɛreba ka iti sɛba n de gɔɔnɔ soŋa. Makerɛ n wana:

• National Association of the Deaf (U.S.) yeti: “Tingɔŋɔ wa za’a poan, nɛreba ka nani gɔɔnɔ la wasi n tari yɔ’ɔ ti ba bɔna fai se’em la.”

• World Federation of the Deaf yeti: “Gɔɔnɔ zo’e zo’e kɔ’ɔn dɛna la nasedoma. La kpe’em bo ba mɛ ti ba kena sukuu, nyɛ tuunsoma ge me bɔkɛ sɛla n iti tingɔŋɔ wa poan.”

Naayinɛ geele gɔɔnɔ la wani? Baabule la tɔɣɛ gɔɔnɔ yele la wani ge Yehowa Sɛɛradoma soŋeri ba la wani?

Naayinɛ N Geele Gɔɔnɔ Se’em

Baabule la yeti, Yehowaa Naayinɛ fabeli gɔɔnɔ yele mɛ. A boti la to ita ba soŋa ge me bɔta ti ba nyɛ nyuurɔ a pa’alegɔ la poan.

Gulesegɔ: ‘Da pɔ bo gɔɔŋɔ.’​—Malema 19:14.

Gulesegɔ: ‘Nananawa mam sirum bɔkɛ ti Naayinɛ ka gãseri.’​—Tooma 10:34.

Gulesegɔ: ‘Yezu pɔsɛ ɛɛra la tinkãra la tinbibisi za’a poan mɔɔla Na’am la yelesoma la.’​—Matu 9:35.

Gulesegɔ: Yezu yuun basɛ ti ‘gɔɔnɔ wuna ge eŋɛ ti sɛba n ka ta’an tɔɣera la me tɔɣera.’​—Mark 7:37.

Gulesegɔ: ‘Wasi tuba wan yu’usɛ.’​—Isaiah 35:5.

Vuurɛ: Yehowa puɣum tɔɣɛ biŋe ti wasi tuba wan yu’usɛ.​—Isaiah 29:18.

Yehowa Sɛɛradoma Soŋeri Gɔɔnɔ La Wani?

Yehowa Sɛɛradoma mɔɔli beere sa’am puti’irɛ la bɔ’ɔra la gɔɔnɔ tingole wa za’a poan. To eŋɛ la wani ta’an ita bala? To maali la Baabula la Baabule zamesegɔ vidiyodoma gɔɔnɔ yetɔɣum n gaŋɛ 100 poan. To me iti Baabule zamesegɔ, la tansugere zamesegɔ gɔɔnɔ yetɔɣum poan mɛ. To iti yele ana wa za’a mɛ ti la soŋera sɛba woo n boti ge to ka to’oseri ligeri. Beni n sɔi? Se’ere n sɔi la, Yezu yeti: ‘Ya to’e la zaŋa, me bo ya zaŋa.’​—Matu 10:8.

Ho wan ta’an nyɛ yele ana wa za’a to intanɛt tuuma zɛ’an bii ho ve’e ba eŋɛ ho fon poan:

JW.ORG. Di’e yetɔɣum daalesum n boi intanɛt tuuma zɛ’an la saazuo bɔba la. Nyaa loe hon boti yetɔɣesebo kaalɛ bii bisɛ vidiyo.

JW Library app. Ve’e app wa eŋɛ ho fon poan ti la soŋɛ hɔ ti ho ta’an ve’e bii bisɛ vidiyodoma gɔɔnɔ yetɔɣum n gaŋɛ 100 poan.

Bem n soŋeri tɔ ti to ta’an pa’ala ba Baabule la soŋa soŋa?

To tari Baabule gɔɔnɔ yetɔɣum poan. New World Translation of the Holy Scriptures la za’a n boi America gɔɔnɔ yetɔɣum poan la n de gɔɔnɔ Baabule n deŋɛ nɛŋa tingɔŋɔ wa za’a poan. New World Translation la za’a bii ku bɔba ase’a nyaa boi gɔɔnɔ yetɔɣum zo’e zo’e poan mɛ. Yuunɛ woo, ba ni lerege la yetɔɣum ase’a pa’asɛ. (Ho san bɔta ti ho nyɛ yetɔɣum zo’e zo’e bii ho bisɛ Baabule la intanɛt poan, bisɛ daka la zuo n de “New World Translation Baabule La N Boi Gɔɔnɔ Yetɔɣum Poan Se’em.”

• Bisɛ vidiyo la zuo n de The Complete New World Translation Is Available in ASL ge zamesɛ baŋɛ ban mɔ se’em ta’an maalɛ Baabule la gɔɔnɔ yetɔɣum poan.

• Ho san wan ta’an bɔkɛ Baabule la soŋa soŋa, ve’e JW Library app la. App wa wan soŋɛ hɔ ti ho ta’an loe gulesegɔ seko mɔpi ti ho bɔta ti ho bisɛ gɔɔnɔ Baabule la poan.

• Dmytro la Vita dela gɔɔnɔ ge ba kɔma la daɣɛ gɔɔnɔ. Bisɛ Dmytro la a deodoma n biseri gɔɔnɔ Baabule vidiyo daarewoo la n soŋeri ba se’em.

Vidiyodoma n basɛ ti to bɔkera Baabule la. Yehowa Sɛɛradoma maalɛ la vidiyodoma gɔɔnɔ yetɔɣum poan ti la soŋera nɛreba ti ba bɔkera Baabule la ge tara ku ka’aŋɔ la tuna tuuma ba vom poan. Vidiyodoma la soŋeri la . . .

• Nɛreba la ba pɔɣeba, la deodoma

• Bunbilipalesi

• Kɔma

Nɛra wan ta’an pa’alɛ hɔ Baabule la. Nɛra wan ta’an pa’alɛ hɔ Naayinɛ yelesum gɔɔnɔ yetɔɣum poan sansɛka ti homea bɔta. Basɛ ti nɛra pa’alɛ hɔ Baabule la. La dela zaŋa.

Jeson Senajonon kɛ̃’ɛri la Philippines. Bisɛ Baabule zamesegɔ n soŋɛ en ti a ana tapilapi la Naayinɛ se’em.

Mario Antúnez yuun dela pu’usegɔ nɛŋadaana Honduras tiŋa poan. Bisɛ eŋa n nyɛ a sokere woo lebesego se’em. Kaalɛ a vom poan yɛla la zuo n de “I Had More Questions Than Answers.”

Zamesegɔ la laɣesegɔ. To tari gɔɔnɔ tansuga la gurupdoma tingole wa za’a poan mɛ. Bilam ti gɔɔnɔ ni laɣesɛ zamesa ge pu’usa Naayinɛ bakwai woo. To me ni maasum la laɣesekãra yuunɛ woo tara zamesa Baabule la. To zamesegɔ poan, to tari sɛba n wan lerege tactile bo nɛresɛba n de gɔɔnɔ ge kelum dɛna fɔɔsi la. To me leregeri la braille bii fɔɔsi gɔnɔ ge ka tɔ’ɔsa ligeri.

• Ee tansugere n lɛm hɔ.

• Baŋɛ sansɛka la zɛsɛka ti ba wan eŋɛ laɣesekãra la laɣebibisi.

• Keŋɛ Yezu Kum Tiirɛ la. La dela to ninmɔ’ɔrɛ laɣesegɔ yuunɛ la poan.

José Luis Ayala kɛ̃’ɛri la Mexico. Ba dɔɣɛ en ti a dɛna la gɔɔŋɔ, ti pooren a le fɔ. Bisɛ Yehowa Sɛɛradoma n soŋɛ en ti a ta’an pa’ala nɛreba Baabule la soŋa soŋa se’em.