Ba Yuun Pĩɛ La “Bugum Peelom” Poan

HEBRU nɛreba batã ti ba yu’ura dɛna Hanania, Misael, la Azaria yuun boi la Babilon tiŋa. Babilondoma la yuun tee yi’ira ba la Sadrak, Mesak la Abednego. Ba yuun dela Daniel zɔdoma. Ge saŋa kasɛka, ba yuun ta bɔna la dɛŋa poan. Ba yuun ta’an boti ni ti Daniel bɔna ba zɛ’an sankaŋa, la wan eŋɛ se’em ti a ta’an soŋɛ ba bii te’ele ba. To bisɛ ya sɛla n yuun eŋɛ.

Nebukadnezar yuun mɛ la baɣerɛ n kãregɛ. Baɣerɛ wa yuun wɔɣɛ paɛ wuu bangole n tuɣelum paɛ sugumnɔɔrɛ buwɛi ge yalegɛ paɛ wuu meter atã. Naba la yuun eŋɛ la de’eŋo kãtɛ ge yi nɛreba zo’e zo’e ti a pa’alɛ ba a baɣerɛ la. A yuun bo la nɔɔrɛ ti sɛba woo n tuni bɔ’ɔra a gɔmɛt la wa’ana. Hebru nɛreba batã wa yuun sakɛ naba la nɔɔrɛ mɛ ge laɣum keŋɛ.

Naba la yameŋa n yuun mɔɔlɛ bo nɛreba la ti ba baŋɛ sɛla n wan eŋɛ de’eŋo la poan. Yia, ba wan ŋmɛ yuuma. Daanse’ere, naba la yuun bisɛ ti yuuma la wan kpemese nɛreba la giila ti ba eŋɛ eŋa n boti ba eŋɛ sɛla la. Ba san wum yuuma la, ba za’a nari ti ba “lu teŋa na’ahɛ sanlema . . . naanɛ” la. Hebru buraasi wa yuun mi Yehowa n kisi baɣa kaabegɔ se’em mɛ. Bala la, ba wan eŋɛ la wani?—Yɛh. 20:​4, 5.

Ba yuun pɔsɛ ŋmɛ’ɛra yuuma la mɛ. Bilam bilam ti nɛreba la za’a kũ’ure tiŋa ti ba na’asɛ baɣerɛ la. Ge Hebru nɛreba batã la yuun kelum ze’a mɛ. Nɔkpe’ene kai ti nɛra woo yuun kɔ’ɔn bisa la bamam batã la. Kaldea tiŋa nɛreba basɛba n yuun nyɛ bala la, ba yuun zɛregɛ Hebru nɛreba la mɛ ge parum bo ba. Ba yuun yele Nebukadnezar yeti: “Sadrak la Mesak la Abednego la ka dekɛ ho yi sɛla. Ba ka kaanbere baga la bii ba na’aha hom dekɛ sanlema kure naanɛ se’ere sɛ dɛ ze’ele la.” Naba la sunsɔa yuun nyie mɛ ti a soke ba nyaa nɛreba la n yele sɛla la dela yelemɛŋɛrɛ. Ba yuun nan ka lebese en sɛla ge ti a vũuse ba. A yuun yele ba yeti a wan bo ba yɔ’ɔ ti ba ta’an kũ’ure bo baɣerɛ la ge ba san ka kũ’ure, ba wan dekɛ ba “lobe . . . bahɛ bugum deo [la] poan.” A yuun yele ba yeti yinɛ ka boi n wan ta’an faaɛ ba.

Hanania, Misael la Azaria yuun lu la ba suure ti ba tara yelemɛŋɛrɛ bɔ’ɔra Yehowa. Ba yuun yele naba la yeti la san puɣum wa’an bala na, Naayinɛ ta’an faaɛ ba basɛ ti ba kan ki. Ba yuun le yele naba la yeti: “Ge a han pon kan eŋɛ bala, tomam bote hom naba baŋɛ te tomam pon kan na’ahɛ ho yena wa bii hom dekɛ sanlema kure naanɛ se’ere sɛ dɛ ze’ele la.” Bala yuun basɛ ti Nebukadnezar sunsɔa malum nyie mɛ. Nebukadnezar yuun yele a nɛreba la yeti ba basɛ ti bugum la tulegɛ pa’asɛ ge lu buraasi batã la ta basɛ bugum la poan. Bugum la yuun ba’ɛ tulegɛ mɛ hali ku burase’esi n yuun lu Hebru nɛreba la ta basɛ bugum la poan la!

Ge pooren, Nebukadnezar yuun nyɛ la sɛla ti a paleŋa ɛ̃kɛ. A yuun nyɛ la nɛreba banaasi bugum la poan ge daɣɛ batã. Ba yuun kɔ’ɔn ɛɛra la bugum la poan ge ti bugum la ka di ba! Naba la yuun baŋɛ ti burasɛka n pa’asɛ bunaasi la ani “wo yenɛ nɛra.” Nebukadnezar yuun paɛ la bugum la zɛ’an ge yi Sadrak, Mesak la Abednego ti ba ze’ele bugum la poan yese na.

Nɛreba la za’a n yuun nyɛ Hebru nɛreba la n ze’ele bugum la poan yese na la, la yuun eŋɛ ba la pakerɛ. Bugum la ka di ba, bii la nyɔ ba zonto bii ba lɔɣɔrɔ. Zu’usi nyuuŋo puɣum ka bɔna ba inya poan. Ban dekɛ sɛla lu ba la ma’a n ka le bɔna ba iisi poan. Yele la yuun eŋɛ Nebukadnezar la liɣebi. A yuun pɛ̃ɣɛ Hebru nɛreba batã wa mɛ la ban nani ba Naayinɛ la. Nebukadnezar yuun yeti ba delum la ba Naayinɛ ge “zagahɛ naba nɔɔrɛ wa, sakɛ dekɛ ba iŋhe tehɛ gana ba tona bii ba na’ahɛ Yenɛ se’ere han dagana la [ba] Yenɛ wa.”

Naba wa yuun bo nɔɔrɛ ti se’em woo n boi a sɔ’ɔlum la poan san tɔɣɛ sɛla giisɛ Yehowa, ba wan ku en. A yuun bo Hebru nɛreba batã wa la kpe’eŋo pa’asɛ. Ge Yehowa n yuun eŋɛ sɛla bo ba la gaŋɛ bala. A yuun ka makɛ tamɛ ba sakerɛ la yele. Makerɛ, yuuma zo’e zo’e pooren, vo’osum la yuun basɛ ti tuntuna Paul gulesɛ la nɛreba n tari sakerɛ n kpe’em yele. A yeti basɛba “yuun kiinhere bugum peelom” mɛ. Daanse’ere Paul yuun ti’iseri la Hanania, Misael la Azaria sukpe’ene la yele, se’em ma’a ti a yuun gulesa yele wa.

Kaalɛ Baabule zɛ’ɛsi wa:

• Daniel 3:​1-30

• Hebru 11:​33, 34

Sɔsɛ ya sokere wa:

Hanania, Misael, la Azaria yuun eŋɛ la wani pa’alɛ ti ba tari sukpe’ene?

Viisɛ Pa’asɛ

1. 1. Sɛba n tũ’uri tiŋa viisa yɛla la nyɛ la bem ti la pa’alɛ ti sɛla n boi Daniel a zuo 3 la dela yelemɛŋɛrɛ? (w23.07 31) Bisɛ foote A

   Lebese

   

   © The Trustees of the British Museum. Licensed under CC BY-NC-SA 4.0. Source. Ton dekɛ sɛla pa’asɛ: Daka

2. 2. Babilon yu’ura se’a ti ba yuun dekɛ siɣɛ Hebru nɛreba batã la vuurɛ yuun ta’an dɛna la bem? (dp-E 36 ¶14)

   Lebese

3. 3. Beni n sɔi ti to wan ta’an yeti Nebukadnezar yuun nɔŋɛ la pu’usegɔ yɛla? (dp-E 69 ¶3) Bisɛ foote B

   Lebese

   

4. 4. Beni n sɔi ti nɛreba n ze’ele ‘tisi to’ore to’ore ge tɔɣera yetɔɣum to’ore to’ore’ ge me kaaberi bamea baɣa yuun sakɛ kũ’ure bo Nebukadnezar baɣerɛ la? (Da. 3:7; dp-E 73 ¶10)

   Lebese

Ti’isɛ Hon Wan Dekɛ Tum Tuuma Se’em

• Hebru nɛreba batã la yuun tari la yelemɛŋɛrɛ bɔ’ɔra Yehowa ge ka di dise’a n wan basɛ ti ba galum Yehowa Lɔɔ la. Pooren, se’em ma’a ti naba la yuun vũuse ba ti a wan ku ba la, ba yuun kelum ze’a la kankaŋi. Bala la, to san tara yelemɛŋɛrɛ yelepiɣesi poan, to nyɛti nyuurɔ la wani? (Luke 16:10) Bisɛ foote D

  Lebese

  

• Ba san mɛlesa tɔ, to wan eŋɛ la wani tɔɣesa Hebru nɛreba batã la halesoma wa? (Da. 3:​16-18)

  • Sirege n mea

    Lebese

  • Sumama

    Lebese

  • Yelemɛŋɛrɛ

    Lebese

• Ho wan eŋɛ la wani ta’an tɔɣesa Hebru nɛreba batã la sukpe’ene la?

  Lebese

Ti’isɛ Taɣesɛ Yehowa Yele

• Hebru nɛreba batã la yele wa pa’alɛ mam ti Yehowa ani la wani?

  Lebese

• Hebru nɛreba batã la yele wa makɛ la Yehowa puti’irɛ la wani?

  Lebese

• Yehowa san ta isige Hanania, Misael, la Azaria kum poan, mam wan soke ba la bem?

  Lebese

Zamesɛ Yɛla Pa’asɛ

Nɛreba san ita sɛla ti la pa’alɛ ti ba pa la ba tiŋa poore, Kristakɔma wan eŋɛ la wani ti la pa’alɛ ti ba bo’ori gilema ge ba kan dekɛ bamea pa’asɛ bim?

Da Dekɛ Homea Pa’asɛ Ho Gingilega Poan Yɛla (4:25)

Ti’isɛ bisɛ ti ho dela Hebru nɛreba batã la poan ayima ge bisɛ hon wan ta’an zamesɛ sɛla ba yele la poan.

“Rescued From a Fiery Furnace!” (“Bible Study Activities” n boi jw.org)