A Yuun Nyɛ La Sukpe’ene Ta’an Tee

YEHOWA yuun tum la yelekirega bo Naba Hezekia. Hezekia yuun bɛ̃’ɛri mɛ pɔ̃ra kum ti Yehowa yuun tibɛ en. La yuun san daɣena bala, a yuun kan dɔɣɛ ni Manase. Ge susa’aŋɔ yele la dela, Manase n yuun de yuun 12 la ti a sɔ Hezekia ki. Manase yuun nyaa dela naba ge a yuun ka pu’useri Yehowa wuu a sɔ n yuun iti se’em la.

Manase yuun tum la be’em zo’e zo’e. Yuuma zo’e zo’e ti Manase yuun kaabera baɣa ge me yuun pã’asa a nɛreba ti ba me ita bala. A yuun tuni la tiim tuuma, hali tara a kɔma kaabera. Manase yuun ku la nɛreba zo’e zo’e. Eŋa n yuun iti sɛla la yuun basɛ ti Yerusalem nɛreba tuna la tunfɛ̃’ɛsa. Bala yuun basɛ ti Yehowa sunsɔa n nyie la ba. Yehowa yuun basɛ ti nɔdɛ’ɛseba keŋɛ ta kaɣɛ en ge a yuun puɣum ka kelese ba. Wana wa zuo, ho ta’an ti’isa ti Manase yuun ka eŋɛ makesonɛ n pa’alɛ ti a tari sukpe’ene. Ge basɛ ya ti to sɔsɛ eŋa n yuun eŋɛ makesonɛ se’em.

Manase vom yuun kɔ’ɔn tee la daanyinɛ. Naayinɛ yuun basɛ ti Asiria soogɛpa zabɛ nyaŋɛ Yuda, sɛla n sɔi la Naba la yuun zaɣesɛ ti a kan kelese Yehowa nɔdɛ’ɛseba la. Baabule la yeti, ba yuun “nyɔkɛ [Manase,] dekɛ baŋa tuhe a nyɔyan la, bobe en la nyɔgom zɔntɔ tare en lebe Babilon teŋa.” La yuun wuŋɛ en mɛ la ban yuun ba en la bãsi tara en yɛ’ɛsa Babilon la. Wana wa yuun basɛ ti naba wa n yuun zɛkeri amea la zuo nyaa fakɛ mɛ.

Ban yuun nyɔkɛ Manase ta paɣɛ Babilon la, bilam ti a yuun nyaa ti’isa eŋa n tum be’em seto woo la. A yuun boi la a ma’a ge me ti’isa ti ba puɣum kan makɛ basɛ en. A yuun baŋɛ ti yinse’a ti a pu’usa la ka tari paŋa. A suure yuun sa’am mɛ la eŋa n yuun dekɛ a kɔma kaabɛ bo ba la. A yuun nyaa baŋɛ ti la nari ti a tee. Pɔsega la, a zusɛ la Yehowa. A yuun ka le zɛkera amea ge a yuun tuɣum “sigehe [la] a mɛŋa teŋa teŋa a sɔdoma Yenɛ la nɛŋan.” Yehowa yuun nyɛ Manase n tee se’em ge me kelese a zusega. Manase n yuun siregeri amea la yuun basɛ ti Yehowa vuta du’ura en mɛ. (Ym. 138:6) Manase yuun zusɛ la “[Yehowa] a Yenɛ la” ge belum en ti a zɔ en nimbu’ɔ. A yuun kɔ’ɔn zusa Naayinɛ la bala.

Manase zusega la yuun basɛ ti la ana Yehowa la wani? Baabule la yeti: “[Eŋa] n sohɛ Na’ayenɛ se’em la, ve’e Na’ayenɛ, te a kelehe a sohoga la.” Yelemɛŋɛrɛ Naayinɛ la yuun zɔ Manase nimbu’ɔ mɛ ge eŋɛ sɛla n ka tari makerɛ bo en. Yehowa yuun “tare Manase lebe [la] Yerusalem n de a sɔ’ɔlom la” ti a le dɛna naba. Manase yuun nyaa tari la yɔ’ɔ ti a eŋɛ pa’alɛ ti a sirum tee ya.

Manase n yuun lebe Yerusalem la, a yuun nari ti a dekɛ amea delum la Yehowa ti a soŋɛ en ti a ta’an pa’alɛ nɛreba la ti ba basɛ ba tunfɛ̃’ɛsa la. A yuun sirum eeri la Yehowa soŋerɛ, sɛla n sɔi la eŋa nɔɔ n yuun pã’asɛ nɛreba wa ti ba tuna tunfɛ̃’ɛsa yuuma zo’e zo’e. A yuun ta’an fabela ti nɛreba la kan kelese en bii ba sunsɔa wan nyie la eŋa n nyaa tee la. La san puɣum dɛna ti Manase yuun ti’iseri la bala, a yuun kelum dekɛ la sukpe’ene tum sɛla n nari. A yuun mɛ la lalega kaɛ Yerusalem, ta’an te’ele tiŋa la. Bala pooren ti a yuun sa’am baɣa la n boi tiŋa la poan la, hali la sɛba n yuun boi Yehowa pu’usegɔ yire la poan. A yuun malum maalɛ Yehowa kaabegɔ bimbine la mɛ ge eŋɛ kaabegɔ ku zuo bo Naayinɛ. Ge sɛla n yuun kpe’em paa bɔ’ɔra en dela a tɔɣɛ bo nɛreba la. A yuun ka le yele ba ti ba kaabera baɣa wuu eŋa n yuun pa’alɛ ba se’em yuuma zo’e zo’e poan la. A yuun tuɣum kpemese la ba giila ti ba “na’aha [Yehowa,] Israel Yenɛ la.” Buraa wa n yuun de putɔya la yuun sirum tee mɛ. Manase yele la basɛ ti Yehowa hala kɔ’ɔn niɛ la peelumi. Yehowa sirum “dela sugurom dita ge tara som.”—Ym. 86:5.

Hali la a tunsoma la za’a, Manase yuun ka nyaŋɛ maalɛ yelese’a woo ti a ta’asɛ la. Yehowa yuun di sugeri bo naba la mɛ ge A yuun kelum dɔlegɛ nɛreba la tuba mɛ la ban tum tunfɛ̃’ɛsa se’a woo Manase bisega la poan la. Sɛla n sɔi la, nɛreba la yuun ka tɔɣesɛ ba naba la ge me basɛ ba tunfɛ̃’ɛsa la. Hali Manase mea dayua Amon yuun ka kelese a sɔ la ka’aŋɔ ge yuun kelum tuna tunfɛ̃’ɛsa. Ge la ani wuu Manase yuun nyaŋɛ soŋɛ la a yaaŋa Yosia ti a nɔŋɛ Yehowa. Bia wa yuun tɛ̃ri ti a sɔyaaba yuun eŋɛ pa’alɛ ti a tari la sukpe’ene la eŋa n yuun sirege amea ge basɛ a be’em la. Manase yuun tum la putotuuma yuuma zo’e zo’e ge a yuun nyaa tee mɛ. A me yuun kɔ’ɔn tɛ̃ra a vom dabesa za’a ti a Sɔ Yehowa di sugeri bo en mɛ.

Kaalɛ Baabule zɛ’ɛsi wa:

• 2 Nadoma 21:​1-26

• 2 Yelebiŋ’a 33:​1-25

Sɔsɛ ya sokere wa:

Manase yuun eŋɛ la wani pa’alɛ ti a tari sukpe’ene?

Viisɛ Pa’asɛ

1. 1. Amoridoma la n yuun puɣum bɔna Kanaan tiŋa ge ti Naayinɛ nɛreba nyaa ta soe kɛ̃’ɛra bim. Bala la, Baabule la n yeti Manase “n tom toonfɛn’ɛha gaŋɛ Amoridoma n yuun boe a nɛŋan la” pa’alɛ la bem? (2 Na. 21:11; w00-E 10/15 16 ¶5-6; gl-E 10 ¶5, tiŋanɔɔrɛ yelesum)

   Lebese

2. 2. Sɛba n tũ’uri tiŋa viisa yɛla nyɛ la bem n pa’alɛ ti Manase sirum tabelɛ bɔna mɛ ge ti Asiriadoma me yuun tara kpe’eŋo paa sankaŋa? (it-E “Manasseh” No. 4 ¶2) Bisɛ foote A

   Lebese

   

   © The Trustees of the British Museum. Licensed under CC BY-NC-SA 4.0. Source

3. 3. Bem n pa’alɛ ti Asiriadoma yuun sirum ni dekɛ la bãsi ba sɛba ti ba ni nyɔkɛ ba la? (2 Yel. 33:11; it-E “Hook” ¶4) Bisɛ foote B

   Lebese

   

4. 4. Sodeni poan ti Yehowa yuun dekɛ ‘mi’a’ la ‘mɛa lɔkɔ ti ba tara makera la’ makɛ Yerusalem? (2 Na. 21:​13, NWT; it-E “Leveling Instrument” ¶2)

   Lebese

Ti’isɛ Hon Wan Dekɛ Tum Tuuma Se’em

• Manase yele la pa’alɛ to la bem la nɛra n wan basɛ a be’em se’em?

  Lebese

• Nɛra san basɛ a be’em, Yehowa wan di sugeri bo en ge Yehowa kan yese daaŋɔ seto ti be’em la ta’asɛ la. Sodeni poan ti Manase yele la basɛ ti to baŋɛ bala? (Yer. 15:​3-5) Bisɛ foote D

  Lebese

  

• Ho wan eŋɛ la wani ta’an tɔɣesa Manase sukpe’ene la?

  Lebese

Ti’isɛ Taɣesɛ Yehowa Yele

• Manase yele wa pa’alɛ mam ti Yehowa ani la wani?

  Lebese

• Manase yele wa makɛ la Yehowa puti’irɛ la wani?

  Lebese

• Yehowa san ta isige Manase kum poan, mam wan soke en la bem?

  Lebese

Zamesɛ Yɛla Pa’asɛ

Bisɛ Manase yele la n yuun soŋɛ mabia ayima se’em ti a lebe Yehowa zɛ’an.

Imprisonment Brought Me Freedom (5:10)

Hon tum be’em seto kurum la san kelum daana hɔ, Manase yele la wan kpemese ho giila la wani?

“He Softened the Face of Jehovah” (w11-E 1/1 18)