MITÃRUSUKUÉRA OÑEPORANDÚVA JEPI
¿Oñeʼẽpa la Biblia pe séxo orál rehe?
Ojejapórõ guare peteĩ enkuésta Estados Unídospe, la mitárupi umi orekóva éntre 15 ha 19 áño heʼi kuri orekóma hague séxo orál (Centros para el Control y la Prevención de Enfermedades).a Peteĩ kuñakarai oskrivi vaʼekue peteĩ lívro oñeʼẽva pe séxo orál rehe heʼi: “Eñeʼẽramo umi imitãvandi pe séxo orál rehe, haʼekuéra heʼíta ndéve upéva normalha, ku mbaʼeveʼỹrõguáicha. Chupekuéra g̃uarã upéva ndahaʼéi séxo” (Sharlene Azam, oskríva pe lívro Oral Sex Is the New Goodnight Kiss [Sexo oral: el nuevo beso de buenas noches]).
¿Mbaʼépa nde repensa?
Ikatu ekontesta si térã no.
¿Ikatúpa peteĩ mitãkuña hyeguasu orekóramo séxo orál?
Si
No
¿Ikatúpa ova nderehe algún mbaʼasy erekóramo séxo orál?
Si
No
¿Pe séxo orál piko lomímo ke ereko rrelasión sexuáI?
Si
No
¿Mbaʼépa hína pe rrespuésta korrékta?
Ekomparamína umi mbaʼe erresponde vaʼekue, umi mbaʼe jahechátavare koʼág̃a.
¿Ikatúpa peteĩ mitãkuña hyeguasu orekóramo séxo orál?
Rrespuésta: No. Upévare oĩ heta oimoʼãva pe séxo orál ndaipeligrosoiha ha ndorekoiha konsekuénsia, péro upéva ningo ndahaʼeiete hína upéicha.
¿Ikatúpa ova nderehe algún mbaʼasy erekóramo séxo orál?
Rrespuésta: Si. Peteĩ persóna orekóramo séxo orál ikatu hína ova hese por ehémplo hepatitis A, hepatitis B, verruga genital, gonorrea, herpes, sida ha sífilis.
¿Pe séxo orál piko lomímo ke ereko rrelasión sexuáI?
Rrespuésta: Si. Pe séxo normál, séxo orál, séxo anál ha ojepokopáramo peteĩ persóna órgano sexuál rehe, umíva haʼénte avei rrelasión sexuál.
¿Mbaʼérepa iñimportánte jaikuaa la Ñandejára opensáva?
Jahechamína unos kuánto téxto bíblico ohechaukáva mbaʼépa Ñandejára opensa pe séxo orál rehe.
La Biblia heʼi: “Perrechasaite vaʼerã pe tekovai, pórke upéva hína Ñandejára rembipota” (1 Tesalonicenses 4:3).
La Bíbliape ojepuru jave pe palávra “tekovai”, upéva heʼise hína entéro umi rrelasión sexuál peteĩ persóna orekóva álgien ndahaʼéivandi iména térã hembireko. Ha upévape oike hína umi rrelasión sexuál normál, pe séxo orál, séxo anál ha ojepokopáramo peteĩ persóna órgano sexuál rehe. Peteĩ persóna hekovaíramo, ikatu hína oike heta akã rasýpe, ha ivaiveha, ombyaietéta iñamista Ñandejárandi (1 Pedro 3:12).
La Biblia heʼi: “Pe hekovaíva, hetére voi ojapo ivaíva” (1 Corintios 6:18).
Peteĩ persóna orekóramo séxo orál ikatu hína operde iñamista Ñandejárandi, ha ikatu avei ova hese algún mbaʼasy. Péro ndahaʼéi voi upévante, ikatu avei oafekta chupe emosionálmente. Peteĩ lívro hérava Mbaʼéichapa ikatu eñeʼẽ ne familiakuérape séxore heʼi: “Umi oreko vaʼekue séxo omenda mboyve oñeñandu vaieterei jepi upéi ha oñandu pe ótra persóna ojaprovechánte hague hese. Ha koʼã sentimiénto vai ikatu oreko peteĩ persóna, tahaʼe haʼéva pe kláse de rrelasión sexuál oreko vaʼekue”.
La Biblia heʼi: “Che Jehová, haʼe hína nde Jára. Umi mbaʼe che romboʼéva ningo ideprovéchota ndéve” (Isaías 48:17).
¿Nde mbaʼe repensa? ¿Umi mbaʼe Ñandejára heʼíva pe séxore piko ikatu ideprovécho ndéve, térã nde eñandu ndejokoha ha ndaikatuiha ejediverti? Ñantende porã hag̃ua upéva, ikatu ñamoĩ peteĩ ehémplo. Ñamoĩ chupe ehoha hína de viáhe ha ehecha pe rrúta kóstare oĩha diferénte señál de tránsito, por ehémplo oĩ algúno heʼíva mboýpa la límite de velosida ha oĩ avei umi heʼíva hese ¡Pare! ¿Erétapa koʼã mbaʼe ndejokoha ha umíva káusare ndaikatuiha ejapo ejaposéva? ¿Térãpa epensáta ou porãvetaha ndéve epenáramo umívare? ¿Mbaʼépa oikóta oiméramo nde térã umi ótro konduktór napepenáiramo umi señálre?
Umi señál de tránsito heʼi ndéve mbaʼépa ndovaléi ejapo, péro umíva ningo nevienrãnte. Upéicha avei umi mbaʼe Ñandejára heʼíva haʼetévaicha la ndejokóva, péro umíva en rrealida ndeprotehénte hína
Upeichaite ningo avei oiko umi mbaʼe Ñandejára omandávare ñandéve. Nerepenáiramo hese ikatu hína eike heta akã rasýpe (Gálatas 6:7). Peteĩ lívro oñeʼẽva pe séxore heʼi: “Oiméramo nde eikuaa porã álgo oĩ vaiha ha lomímo jeýnte ejapo, nde voi ehechauka hína nderejevaloraiha, ha amáske ejapo upéva ivaivéta nendive” (Sex Smart [Sexo inteligente]). Péro eikóramo Ñandejára oipotaháicha ehechaukáta ejejokokuaaha ha emombaʼeha la haʼe heʼíva. Ha iporãveha, eikóta trankílo pórke la ne konsiénsia ipotĩta (1 Pedro 3:16).
a Pe séxo orálpe ningo peteĩ persóna oipuru ijuru térã ikũ opoko hag̃ua ótra persóna órgano sexuál rehe, ha péicha omoakãraku hag̃ua chupe.